Youtuber因龍心被封頻道 提出2大撤銷訴求：約戰匯豐總行！
Youtuber上傳龍心影片被封 DM龍心希望幫忙撤銷
近日有位似係youtuber的人喺討論區大鬧龍心以「我x你x母你個死x街龍心」出post。內容係事主係一位youtuber，頻道中上傳咗龍心的影片，點知就被google指佢侵權，跟住將佢的頻道停埋，佢唯有dm龍心，想佢幫忙撤銷版權移除要求，並表示佢用咗呢個頻道好多年，有好多重要同珍貴的東西喺入面，佢承諾佢會將龍心所有的片下架，並以後保證唔會再上傳。
龍心：已經投訴過2次！要求公開道歉兼拍片當面解釋
其後龍心回覆事主，表示「頻道真係對你咁重要嗎？」然後叫事主拍一條片當面解釋點解要抄佢啲片，並要佢公開道歉等其他人唔敢炒佢，同埋原來龍心已經投訴過2次，係事主無理會的情況下，龍心先會版權移除要求。
龍心提出2大選擇：買4張拳賽飛或者出嚟俾佢打4拳
事主不斷道歉，並表示佢知錯了，而且佢無用呢個頻道收取過任何錢，只係想大家可以睇返佢啲舊片，希望龍心可以手下留情。龍心結果回覆事主比2條路佢揀「幫我買4張拳賽飛，每張588，或者出嚟俾我打4拳用拳套，呢個係俾你最好的條件唔好同我討價還價，否則不回應。」事主即揀咗俾出嚟龍心打4拳，仲問龍心幾時方便！
事主真係出嚟被打 龍心答應幫忙
龍心就約咗事主第二日大約一點鐘匯豐銀行總行見，事主第二日亦真係應約，影咗張相比龍心表示佢到咗，問龍心幾點到，龍心反問佢係咪即係唔嚟睇拳賽，事主就表示佢已經揀咗第二個選擇，而且一早出嚟等佢。其後龍心表示會幫忙事主「得架啦，唔駛出嚟，我會幫你恢復頻道，請不要催促我，謝謝」
龍心大鬧事主講大話！
但其後龍心似乎一直未有幫忙事主不斷dm龍心，但龍心就突然大鬧事主講大話「不要說謊！你有24小時之內辦妥呢件事不妥你嘅要username password我，如果我再接收到任何訊息你嘅帳號將永遠拆除，我亦都唔會再覆你」事主回應佢無講大話，佢可以俾佢ac同pw龍心，佢真係仲未登入到。
網民唔撐事主反斥：理虧在你，仲x人x母
網民見到事主情況無同情事主不得止，仲認為事主抵死？！「點解你咁onx，同個白卡講道理 仲真係出去中環等」「你抄人野要求人，仲好意思話呢到唔得閒個到唔得閒，佢咁和善應你x你狗都算係咁」「點解唔直接拍片？」「放人地啲片仲叫自己youtuber」「樓主係另一個白卡」「理虧在你，仲x人x母」「白卡鬥白卡」「你侵權 佢report有咩唔啱，幫你係人情 唔幫係道理」「建議你都拍下片，應該有力填補返youtube四大癲王女大丁個位」「同人道歉都仲用網名」「估唔到係真心膠，樓主似癲過龍心」「feel 到連龍心都頂你唔順 」「晨早流流想笑死人咩」對於網民的說法，事主都表示佢都知自己唔啱，所以佢都係求龍心可以幫忙，而且佢出爾反爾佢都有唔啱，希望網民可以幫佢「有冇人幫手聯絡佢？我想約佢出嚟找數，佢block咗我ig」。