荃灣豬肉佬威威被Youtuber人肉搜索出是由建華打手一手捧紅
廣告
荃灣爆紅豬肉威威劉宋威紅遍香港，狂接廣告job，不過所謂人紅是非多，最近不斷被人爆出唔同黑材料，威威更因為咁而哽咽拍片哭訴澄清，真係哭在佢身痛在師奶心。事件仲未完，近日又有Youtuber拍片以人肉大搜索的方式搵出之前被傳出威威疑似背後被建華集團操控一事，發現威威爆紅其背後來龍去脈真係堅有安排？粉絲應援團的開創人都係建華集團一員？！
Jer仔）
應援團管理員都係建華集團嘅人
Youtube頻道《Jer仔》6月17日拍片指出威威係由一班打手棒紅的說法「踢爆！荃灣豬肉佬威威由一班打手捧紅？｜應援團管理員根本就係建華集團嘅人！｜」Jer仔指自己經過幾小時的人肉搜索，發現威威現時fb的應援團管理員原來就係當日將威威合照擺上網，隨即令威威爆紅嗰位女士，再發現原來嗰位女士亦都係建華集團的一員，網民亦爆出該女士根本就係建華集團的pr，佢fb中一早已經經常為建華集團賣廣告做宣傳，而且威威的fb應援團只會po 威威的正面嘢，負面嘢係唔會被通過po出。而早前威威接受傳媒訪問時，曾指出該位女士「只是一位經常幫襯熟客」！
威威fans都係建華集團的打手
Youtuber Jer仔再指出威威的fans有好多都係建華集團的打手，因為威威有啲相明顯唔係由普通師奶影出嚟，但就裝作係「偶遇威威」偷影咁。Jer仔更指威威現時的「暖男形象」都只不過靠呢班打手營造出嚟的「人設」。其實早前威威啱啱爆紅時，陳志雲的Youtube頻道《志雲頻道 stephenchannel》就將威威做嘢的豬肉檔起底，發現背後係建華集團所經營，即被爆出威威疑似係被建華集團捧出來的kol一事。
完整影片：
威威爆紅其背後來龍去脈其實係點?
威威現時fb的應援團管理員原來就係當日將威威合照擺上網，隨即令威威爆紅嗰位女士，再發現原來嗰位女士亦都係…詳情請看
威威fans的背景是什麼?
Youtuber Jer仔再指出威威的fans有好多都係…詳情請看
關鍵詞
威威
圖片來源：youtube＠Jer仔資料或影片來源：youtube＠Jer仔
