《Wednesday 星期三》︳Netflix爆紅 5大《哈利波特》經典場口完美還原
廣告
Netflix人氣影集《星期三》(Wednesday)，開播2星期已衝上Netflix第一位，成為Netflix第三套最高點播的英語劇集，擊落最為期待的燒腦劇《1899》。劇集《Wednesday》人氣急升，20歲女主角Jenna Ortega短短10日個人IG帳號多咗1000萬個followers，而女主角劇中的「怪異熱舞」成為年青人模仿熱潮，就連天后Lady Gaga都要跟住跳！點解劇集如此受歡迎，有唔同的影評家就分析因劇集當中夾雜不同經典的作品，如《哈利波特》！
《哈利波特》經典回億殺
《Wednesday》為《愛登士家庭》衍生劇，本來已吸引唔少《愛登士家庭》的影迷追開，而且劇集以偵探故事展開，如同經典《哈利波特》般，加強追開性。有唔少網民都留意到劇集大玩《哈利波特：神秘的魔法石》，加插5大經典場口回憶殺。
1.入讀古怪新奇的學校
《Wednesday》第一集就講到女主角Wednesday因性格古怪極端，於普通學校中放食人魚教訓欺負弟弟的同學後被父母安排轉校到「奈落學院」，內裡集齊不同異樣的學生，如人魚、人狼等。勾起唔少網民憶起《哈利波特》第一集神秘的魔法石都係講哈利入讀霍格華茲。
1.上多肉植物堂
話明要讀書，又點小得上古怪得意的課程，Wednesday都同哈利波特一樣有類似草藥堂，不過Wednesday呢堂就叫「多肉植物堂」。
3.玩團體賽-「愛倫坡盃」
《哈利波特》中「魁地奇」－空中球賽街知巷聞，Wednesday都同哈利波特一樣要玩團體賽－「愛倫坡盃」，係類似龍舟的比賽，有網民就話似《哈利波特：火盃的考驗》的情節。
4. 大壞蛋個樣看似無害
《哈利波特：神秘的魔法石》第一集的大壞蛋「奎若教授」同《Wednesday》的大壞蛋一樣外表感覺無害。
5. 係愛呀Wednesday
最後一集打boss時，Wednesday不幸被插上一刀，直擊要害，係瀕死時出現久遠的祖先，並告訴Wednesday原來佢媽媽俾佢嗰條鏈係最強大的護身符，然後仲上埋佢身令Wednesday重新，感覺一切都係因為「family」，似足《哈利波特─神秘的魔法石》因為愛的力量幫助哈利仔打敗大boss！
紅爆怪舞都係玩經典？！
Wednesday劇中就連天后Lady Gaga都要跟住跳爆紅的「怪舞」，有指係女主角自創舞蹈嚟，唔少網民都指似足經典《Pulp Fiction》的跳舞場口，難怪咁爆紅！
圖片來源：《哈利波特─神秘的魔法石》、《Wednesday》截圖資料或影片來源：youtube＠manetaki
