ViuTV綜藝節目《海陸勁技場》首集滑鐵盧遭狂鬧網友：好失望，我係咪睇緊cctbb？！

ViuTV昨晚（9日）開始一連五晚，推出全新綜藝節目《海陸勁技場》由強尼做主持，陳安立、黃奕晨、余逸思、李昭南、沈殷怡、娟姐、 Kathy仔、 Sarika 蔡宛珊以及Zoe蘇小小等嘉賓登場，但首集即遇輕微滑鐵盧，全因有不少網友都指女藝人水著上陣，大騷身材、波罅，與TVB獎門人的節目相約，甚至有網友大問：我係咪睇緊cctbb？

撰文：八卦妹丨圖片：蘇小小IG、YouTube影片截圖、海陸勁技場｜部份原文刊於：東方新地

《海陸勁技場》首集水運會蘇小小成焦點

ViuTV推出全新綜藝節目《海陸勁技場》由強尼做主持，並邀到陳安立、黃奕晨、余逸思、李昭南、沈殷怡、娟姐、 Kathy仔、 Sarika 蔡宛珊以及Zoe蘇小小等嘉賓登場，同時還有港隊運動員助陣，實行由由陸地鬥到水上。

夏天當然要舉行下水禮，首集一眾嘉賓率先在游泳池上大玩遊戲如二人浮台上互推、水上獨木橋等等，不難令人回想起昔日獎門人的遊戲；當中蘇小小更不時整理其衣服，而鏡頭影住她時大騷身材、波罅，成為焦點。

網友狂鬧：好失望，今時今日仲靠波罅吸收視，我係咪睇緊cctbb？！

不少網友看後，紛紛到ViuTV Facebook上留言大鬧：「好失望，究竟觀眾睇咗D咩?！今時今日仲靠波罅吸收視，我係咪睇緊cctbb！好耐都未喺99睇D咁低質嘅節目，錄咗都即刻delete」、「強尼邊咗做 153 ..」、「係咪cctvb 既編導過左viu 做？呢d咁既低級趣味節目仲有人睇架咩？唔好做做下變左cctvb啦，香港人冇選擇架啦，大大力求腰斬呢個低質節目啦！整衰個台呀！」、「好無聊既節目…..全部遊戲都係強尼旁白畫面就快轉，時間咁緊逼就唔好咁多內容或者加長時間啦！都唔知自己睇緊乜絕對係今年度暫時最唔掂既節目….」、「個大波妹真係好核突，件泳衣咩料好似兩塊乳暈咁，好嘔心，仲要撲埋Brian度都5知博乜，唔係有娟姐真係唔睇」、「唔明咩年代仲用大波去吸引觀眾。睇到想關電視，用對波想車埋個男藝員度。又要驚掂到佢對野，都唔知睇緊咩」

蘇小小（Zoe So）發千字文放負？！

？IG女神蘇小小（Zoe So）早前以一身貼身戰衣在ViuTV《ERROR自肥企画》震撼登場，旋即人氣急升！不過唔少網民對其五官及身材都有所懷疑而熱烈討論。雖然蘇小小拍片澄清自己「真材實料」，不過面對網民攻擊最後決定發千字文放負稱「對不起﹗我需要消失一下」，點知最後…

蘇小小不滿被嘲賣弄身材

蘇小小在IG發千字文揚言「消失」，留言：「對唔住…我覺得我需要短暫時間潛水🙏🏼俾自己嘅個心沉澱一下，最近真係發生咗好多唔開心嘅事。」她指節目被導演要求穿性感小背心，但最後卻遭導演背後恥笑她「賣弄身材」，接受傳媒訪問，事前答應會提她的網上花店及紋身店，但最後又是被要求著性感小背心，並用嘩眾取寵的標題，內容只專注她的外表丶身材丶八掛丶私隱。

蘇小小控訴被人身攻擊

蘇小小指外界對自己外表的質疑，她也拍片分享，但仍然「被批評、質疑、人身攻擊無停過…最恐怖嘅留言係有啲人開始妄想症作嘢」，其後蘇小小又指自己唔介意走小性感路線，「因為自己都好嚮往台灣部份網紅嘅形象，覺得佢哋好性感丶好甜美好靚，自己都好欣賞丶直情覺得佢哋係偶像，所以好想模仿﹗」但卻被haters鬧﹗

蘇小小話其實想著番自己喜歡類型的衫，post自己喜歡的美照，純分享，不是在賺大錢，「我嘅正職喺經營網絡花店，也是主要的收入來源，任何幕前工作都只係短暫，只係一個副業。」蘇小小又指知自己好多缺點，唔需要網民「大大聲話我知我有幾差﹗」她表示心很攰、無奈及好重無力感，故需要暫時消失﹗

蘇小小舉中指回歸

蘇小小的千字放負文兩日後，便蒲頭並貼出中指相表示回歸社交網，蘇小小再發長文，她指中指是送給haters，她解釋潛水兩日便上水，原因是發現潛水反而被攻擊得更勁，覺得逃避冇乜用，因為網民根本不講道理，只扭曲她的原意，她表示「95％嘅人身攻擊＋無營養評論都係來自連登，負能量主要都係來自連登，最好笑係佢哋鬧完我，仲會話我係借連登博上位？其實我嘅心態係你哋最好咪X討論我，我根本就唔想比你哋睇提起，討厭我咪唔好睇我囉﹗虐待Haters的最佳方法是『你偷看我，但我過得非常好！』！」