陳約臨Deep V騷fit爆人妻狀態 網民重提張家朗事件留言竟離奇消失
陳約臨Deep V騷身材懶理負評
陳約臨早前在社交平台上晒出身穿Deep V服裝的照片,大騷fit到漏的身材,以及家中的愛寵。不過陳約臨晒出的靚相就並未吸引網民關注,反而引來網民提及最近進行得如火如荼的巴黎奧運,更留言:「奧運就到,又想起你」重提陳約臨之前採訪張家朗時的爭議,不過留言隨後就在未知原因的情況下消失。雖然陳約臨未有在社交平台上緊貼賽事,不過佢就有喺江旻憓以及張家朗獲獎後在限時動態中恭喜2位。
![陳約臨 陳約臨2022年離巢TVB,並於同年與圈外美日混血兒丈夫David結婚,目前陳約臨正定居日本。(圖片來源:IG@yeuklam)](https://imgs.weekendhk.com/wp-content/uploads/2024/07/image-6849882_106527465266a8801088ad5-870x1024.jpeg)
陳約臨採訪「事蹟」再被提起
陳約臨畢業於珠海學院新聞與傳播學系,更於2016年參選國際小姐兼贏得「亞洲皇后」的獎項。陳約臨更於2017年加入TVB成為節目主持,不過在2021年東京奧運代表TVB採訪張家朗時,就多次打斷對方發言,兼且無視場合不停向張家朗示愛,如「你係香港人嘅驕傲」、「我真係好鍾意你,點算啊?」等,被大量網民狠批不專業且缺乏尊重,引來大量網民不滿。
![陳約臨 陳約臨2016年參選國際小姐。並贏得「亞洲皇后」的獎項。(圖片來源:IG@yeuklam)](https://imgs.weekendhk.com/wp-content/uploads/2024/07/image-7711833_95951745966a894a07b823-1024x1024.jpeg)
東京奧運|陳約臨訪問張家朗奪金 示愛送飛吻被轟好失禮 堅稱自己冇問題
東京奧運男子花劍個人賽,香港代表張家朗奪得金牌,為港爭光,香港市民熱切期待睇張家朗奪金後訪問,直播訪問卻出現一把女聲不停講自己「我好鍾意你呀,點算?」又表示代表香港市民向張家朗送飛吻,令氣氛尷尬﹗訪問完結鏡頭轉回記者真身,呢把女聲原來是無綫派去採訪東京奧運的藝員陳約臨﹗被網民洗版鬧爆陳約臨唔專業,好失禮,陳約臨卻有一番解釋﹗
東京奧運張家朗為香港奪金,全城歡呼,無綫派出陳約臨採訪張家朗奪金的歷史性一刻,整個訪問陳約臨表現出極度仰慕張家朗,不停講出個人感受,採訪變成示愛同送飛吻,令睇住電視直播的觀眾愈睇愈火﹗
東京奧運|陳約臨訪問張家朗:我好鍾意你
陳約臨訪問張家朗近乎失控興奮問:「你係香港人嘅驕傲,有咩想同香港人講,所有人都睇住Live,我我…我我真係好鍾意你,點算呀?」,陳約臨講個人感受多過發問:「 嘩!你呢一刻攞獎牌呀!好激動!我已經流淚,我直頭喺觀眾席流淚,要喊﹗」令張家朗一臉愕然﹗
![陳約臨 張家朗為港爭光,在訪問中大談奪金感受表現謙虛﹗(圖片來源:無綫奧運直播截圖)](https://imgs.orientalsunday.hk/wp-content/uploads/2021/07/796209c0-b533-4e2b-8cb5-e96166654018_186934883660ff81ebbe8e4-1024x596.jpeg)
陳約臨不停插嘴打斷張家朗訪問
對陳約臨的機關槍式發表個人感受,張家朗仍保持禮貌表示多謝:「我唔敢相信,一直打得唔係太好…諗住打好第一場先,全場都係冠軍,我唔係啲咩,所以放開去打…」呢個時候陳約臨插嘴:「你點樣做到㗎?由今朝八點打到依家,中間做過啲乜,食過啲乜,陣間你想做啲乜?」其他記者問問題期間,陳約臨再硬插嘴:「可唔可以喺直播度同屋企人講多謝?」張家朗被突如其來一問,邊抺汗邊婉拒:「吓﹗好尷尬喎﹗」
![陳約臨 張家朗被陳約臨的表現搞到好尷尬,不停抺汗﹗(圖片來源:無綫奧運直播截圖)](https://imgs.orientalsunday.hk/wp-content/uploads/2021/07/131f269f-facb-45a2-98fe-dfcfb34ca1b5_210486277260ff82f65e235-1024x504.jpeg)
陳約臨話代表香港市民送飛吻 嚇呆張家朗
記者正在問賽事問題,陳約臨再出擊搶問:「我要改口叫你金家朗呀﹗」張家朗滴晒汗話:「唔好呀﹗」 陳約臨拉高八度話:「唔得呀,唔得呀,你真係香港人嘅驕傲,真係proud of you﹗頭先做直播香港市民叫我送個飛吻畀你,但因為有social distancing呀﹗所以哈哈哈﹗支持你﹗」張家朗不知所措不停抹汗﹗
![陳約臨 陳約臨見證張家朗奪金,興奮大叫又喊,陳約臨更指「喺場度嘈到被人鬧」,又邊自拍邊跑去做採訪,為自己紀錄呢個重要時刻﹗(圖片來源:IG@yeuklam)](https://imgs.orientalsunday.hk/wp-content/uploads/2021/07/835b1541-144f-451f-b839-6401dd784e63_175186776060ff836ff19b0-606x1024.jpeg)
網民鬧爆陳約臨唔專業
陳約臨被網民洗版鬧爆,指她霸道搶問方式令整個訪問變得不專業,留言「我以為睇緊東張西望」、「冇人想聽你講感受,想聽張家朗講嘢﹗」、「成個東京奧運被佢搞彎晒」、「開電視李麗珊直播訪問張家朗,呢啲先叫專業」、「把聲好煩好討厭」。
![陳約臨 陳約臨被派去採訪東京奧運﹗(圖片來源:IG@yeuklam)](https://imgs.orientalsunday.hk/wp-content/uploads/2021/07/yeuklam_214402937_1738966936295672_7150161404770777729_n_57852383160ff843414949-1024x1024.jpg)
陳約臨死撐自己冇問題
陳約臨被洗版鬧爆問題廢又不專業,她接受傳媒訪問時硬撐自己冇問題,更指唔覺得問題唔夠專業,陳約臨指自己由早上一直在現場睇賽事,張家朗由早打到晚,觀眾會想知佢做過乜,食咩去維持體力,強調自己只係問題比較細膩﹗被網民指欠缺體育主持常識,她指自己在17年主持體育節目主持,當時已好留意張家朗,並指自己採訪完仍然覺得自己的問題好重要﹗不過其後陳約臨把採訪東京奧運劍撃的post刪走﹗
![陳約臨 陳約臨、方力申、何振然、周奕偉、吳業坤被派往採訪東京奧運﹗出發前陳約臨指自己做足功課,已為每個項目準備過百條問題﹗(圖片來源:IG@elsonhochun)](https://imgs.orientalsunday.hk/wp-content/uploads/2021/07/elsonhochun_220501872_369716364565804_2732002506757005631_n_142504411260ff843c8f729-1024x768.jpg)
選美出身陳約臨新聞系畢業任客席講師
25歲的陳約臨上海出世,在珠海學院新聞與傳播學系畢業,2016年經澳門選美連盟選為2016年度國際小姐選美活動的香港代表,並贏得「亞洲皇后」獎項。2017為無綫電視基本藝人合約藝員,曾主持《丁酉年沙田龍舟競渡》、《體育世界》,2018年曾主持《3日2夜》旅遊節目,不時性感出鏡。陳約臨現正在珠海學院修讀「環球傳播」碩士課程,同時為學院兼職講師,教授主持技巧﹗陳約臨一夜成名,被網民起底後指她「教壞細路」。
![陳約臨 陳約臨有高版陳瀅之稱號﹗(圖片來源:IG@yeuklam)](https://imgs.orientalsunday.hk/wp-content/uploads/2021/07/yeuklam_184020569_1147531749087824_4334910222931896075_n_138858530060ff895584d74-1024x1024.jpg)