網民票選TVB劇集10大「膠到爆」場面 表哥姚子羚撞到飛起場面絕對係經典！

網民票選TVB劇集10大「膠到爆」場面 表哥姚子羚撞到飛起場面絕對係經典！

1.《無雙譜》「荷里活級」CG

古裝神話劇集《無雙譜》擁有大量的CG場景，不過其CG的製作特效強差人意，令觀眾睇完都覺得有一種廉價的感覺。「香香公主」岑麗香浮出水面以及在水面時的畫面一睇就覺得勁假。在水底時的CG就比較好一些。

2.《黃金有罪》表哥撞到飛天

另一幕來自《黃金有罪》中，「表哥」姚子羚發生車禍，不過其車輛一撞之下令到姚子羚一下飛去幾十米，其誇張的物理現象令人不禁懷疑是否劇集中有鬼神的存在，才令到「表哥」能夠飛咁遠。

3.《掌上明珠》譚真一去廁所

還是小朋友時期的譚真一，在劇中打算自己去廁所，去到之後其尿兜的高度比人更高。照理來說譚真一應該無法順利排出尿液，不料譚真一繼續去，或者在轉場景之時他一下子跳起再小便吧。

4.《溏心風暴》夏雨神演技

老戲骨夏雨縱橫演藝圈多年，出演《溏心風暴》時賣力演出「抽搐演技」成功成為經典場面，不少人都會用其Gif圖來當做「萬能key」。其「嘔白泡」的演技都唔係人人carry到，除了夏雨，還有誰！

5.《潮拜武當》炸蕃薯

《潮拜武當》中有一幕郭政鴻用微波爐叮蕃薯的場景，其蕃薯突然爆炸，由微波爐衝出嚟，而在其面前靜靜等待的郭政鴻就被蕃薯炸開。成個場面睇落去十分好笑，特效其實做得都相當不錯。

6.《強劍》龜波氣功

武俠劇集《強劍》勢估唔到會引入日本勢力，在最後大結局之時，對戰劍聖時鄭嘉穎突然用龜波氣功。當時劇集被指粗製濫造，將所有元素炒埋一碟，而龜波氣功就是一個相當好的例子了。

7.《隔世追兇》神級催眠術

「你睇地下，一滴..兩滴..」呢個對白相信大家都聽過，在劇集《隔世追兇》中石修大哥表演了神級催眠術，為大家示範原來用幾滴仔血就可以將對方催眠，十分容易，連出去上堂都唔使！

8.《神鎗狙擊》謝天華單手爬山

呢一幕都相信大家有睇過，謝天華以驚人的臂力爬山，最驚人係佢只需要用單手就能夠將自己吊在山崖邊，而且一啲都唔辛苦仲要拎電話出嚟傾。唔通劇中設定他已經單身幾十年，所以先練成咁驚人的臂力。

9.《叛逃》關禮傑飛越後巷山

身為「大Sir」之一的關禮傑為要讓隊員心服口服，所以立即在兩棟樓之間示範如何跳過去，其距離相當之遠，但關禮傑腿力驚人話跳就跳，成個蜘蛛俠咁輕鬆飛過對面，超勁啦！

10.《桌球天王》倚天Cue

秋官鄭少秋貴為「桌球天王」，其用嘅Cue當然唔可以同平凡人一樣。決鬥途中拎出一枝「傳說中嘅倚天Cue」，再用上花式無限嘅特技去表演超多招式，睇完之後都真係好想落場睇睇粒桌球點樣可以痴住枝Cue！