TVB勁索女教練是誰？范彩兒 Jenny Fan
廣告
現今世代，不論網上定現實，周圍都係男神女神。要做一個高質素嘅「神」，靚樣性格唔再講，原來胸肌都係重要嘅一環。呢日由TVB男藝人包括許家傑（Jack）、陳偉洪(Calvin）同埋呂熙等組成嘅「爆肌團」就邀請埋TVB前藝人 范彩兒 （Jenny）同佢哋一齊示範健身時男女教練嘅分別。四人分為二人一組，一邊就係Jack加Calvin，而另一對就係呂熙同Jenny。究竟男教練同女教練有咩分別呢？即刻睇睇！
Text : 新地 Oriental Sunday
片段一開始見到呂熙瞓低舉啞鈴，大晒其強而有力的臂彎，不過真係唔好意思啦，大部分人的目光都集中Jenny身上！因為佢跟住呂熙齊上齊落的時候，不斷俯身露出豐滿上圍，大晒激深事業線，睇呂熙笑容咁燦爛，就知佢有幾開心啦！
去到最後一round，做Sit -Up環節。女教練 Jenny 成個人騎住呂熙，從而穩住佢對腳。當呂熙每上去一吓，Jenny胸前雙乳就出現喺眼前，呂熙真係氣都唔敢唞。做多幾吓，呂熙愈做愈落力，仲差啲忍唔住錫咗落去，更一臉得意，最後仲擺咗個勝利嘅手勢！係咪想激死同男教練做gym嘅阿Jack先？
「爆肌團」呢段男女教練的不同，放咗上網短短數日之後已經累積咗差唔多60萬觀看次數。男教練同學生嘅肌肉固然唔講得笑，但女教練嘅吸睛程度都一樣咁高。究竟佢係咩來頭㗎呢？
女教練原來叫范彩兒，英文名Jenny。佢係TVB嘅前藝員，拍過唔少電視劇㗎，不過做嚟做去都係宮女、丫環、護士、助手等等呢啲角色，所以一直都冇乜人留意到佢，現時佢主要就喺內地發展。
