Supper Moment亮相TVB《開心大綜藝》、同89歲胡楓Jam歌!不再熱血被歌迷唾棄:IG淨係放Chill Club相?
廣告
樂隊Supper Moment近一、兩年十分低調,雖然有份入圍ViuTV主辦的首屆「Chill Club頒獎禮」,角逐由樂迷一人一票選出的「年度組合」、「年度十大歌曲」和「年度監製」等獎項,不過於頒獎禮未獲大家注視。早前四子亮相TVB《開心大綜藝》節目擔任嘉賓,隨即被網友鬧爆,即睇詳情!
Supper Moment與89歲胡楓Jam歌
近日Supper Moment 亮相TVB《開心大綜藝》節目擔任嘉賓,與89歲胡楓(修哥)jam歌,合唱80、90年代歌曲,包括《舊歡如夢》、《紅日》及《我的親愛》。Supper Moment不再似以前一樣Rock and Roll,一眾網友十分反感。
![Supper Moment亮相TVB《開心大綜藝》節目擔任嘉賓、不再熱血被歌迷唾棄失香港市場 網友寸爆:IG淨係放Chill Club](https://imgs.nmplus.hk/wp-content/uploads/2021/04/-2021-04-27-11.25.08_25378482560883215256cc.png)
網友:上TVB好唔見得光咩?
有網友在Supper Moment社交網留言,大指他們IG只放Chill Club相:「上TVB好唔見得光咩?去胡楓演唱會做嘉賓啦」、「見到你哋搞成咁,其實笑唔出,因為曾經都真係好鍾意你哋,不過條路係你哋自己揀」、「exactxly係見住個朋友墮落嘅感覺。」、「對你地好失望」、「記唔記得以前你地係點樣?」
![Supper Moment亮相TVB《開心大綜藝》節目擔任嘉賓、不再熱血被歌迷唾棄失香港市場 網友寸爆:IG淨係放Chill Club](https://imgs.nmplus.hk/wp-content/uploads/2021/04/-2021-04-27-11.50.12_1250992774608832cd76559.png)
修哥宣佈請到Supper Moment做個唱表演嘉賓
另外,修哥將於6月在紅館舉行「修哥共你70載 胡楓約你開心派對2021」,他也在節目後提到請到Supper Moment做表演嘉賓,有網友即寸爆Supper Moment:「係咪搵TBB藝人扮佢哋做組合去演唱會?」Supper Moment 2013年憑歌曲《無盡》大受歡迎,其Rock and Roll吸引一眾樂迷喜歡。但近年Supper Moment在亞洲流行音樂節與林鄭月娥合照,引發一眾網民爭議,自此被歌迷唾棄。
![Supper Moment亮相TVB《開心大綜藝》節目擔任嘉賓、不再熱血被歌迷唾棄失香港市場 網友寸爆:IG淨係放Chill Club](https://imgs.nmplus.hk/wp-content/uploads/2021/04/46742267_10155978358464109_5989468001785610240_n_135549530160883344c2fe1-1024x409.jpg)