Sunny舊訪問片再被翻出 網民嘲：果然係俾錢蒙蔽雙眼！

Sunny舊訪問片再被翻出 網民嘲：果然係俾錢蒙蔽雙眼！

Sunny於一年前接受的訪問片段再被翻出，當時他在影片中提及了自己對於金錢的價值觀，又提及自己全身上下的的洗費合共要幾錢。在訪問中他都有指出因為自己出身的家庭並不富裕，而第一份工又因為人工低而變得相當唔夠錢洗，所以在拍YouTube出名之後，決定「報復式消費」，將以前都買不到的東西買晒返嚟。

身價大對比！

訪問中亦訪問到音樂人旨呈，他曾參加過《造星3》，而因為家庭富裕的關係，被冠上「10億身家」之名號。不過就算如此，旨呈在訪問中都表示自己做音樂拍MV的金錢全部都係自己賺返嚟，而且亦希望靠自己努力闖出一遍天。兩人在影片中都提及了自己衣著的價格，Sunny成身加埋要過2萬蚊，但旨呈全身都係少於$2000，對比十分大。

Sunny想含住金鎖匙出世

當被問到「想出身於富裕家庭」或是「出身於可以追夢但草根家庭」，旨呈都表示「夢想好緊要，一家人嘅支持更緊要」，而Sunny就指因為未試過在有錢家庭出世，所以一定希望試一試含住金鎖匙出世的感覺。

旨呈貼地獲讚

受訪中兩人都在追逐自己的夢想，不過旨呈對於其金錢價值觀比起Sunny來得更正直，而他亦指「造夢同發光時間好短暫，好似螢火蟲一閃即逝」。最後Sunny都指錢只是「一個標題同數字，我比較在意有冇人鍾意我嘅作品」，「我唔係為咗搵更加多錢，而係想更加多人認同我」。更指自己所設計的產品有人購買，會覺得「唔係賺咗你錢，而係我設計嘅嘢有人欣賞」。

網民笑Sunny「冇料扮大袋」

網民睇完兩人的對比後，都十分旨呈縱使有家底，但仍然堅持靠自己努力追夢；而另一半Sunny就因為經歷完「NFT事件」同「淘寶事件」，被指他已經忘記了自己的「初心」是YouTuber，只是推出個人產品同NFT去賺錢，網民直言「冇料扮大袋」、「呢啲就係真正有錢人同想扮有錢人嘅分別」等等。

睇片！