Serco人氣店主被前員工揭真面目後潛水、重開網店被轟搶錢

Q: Serco被前員工力數七宗罪?

連登女神Serco所經營店舖，早前被前員工指控七宗罪，包括當店中貓貓是... 詳情請看

Q: Serco如何回應?

Serco後來回應指控，指前員工捏造事實，卻未能... 詳情請看

有連登女神稱號IG人氣店主Serco之前被前員工大爆惡行，力數七宗罪，網民對Serco被揭真面目都好震驚。Serco後來回應指控，指前員工捏造事實，卻未能平息風波，潛水數月，近日才蒲頭，網店亦重開。不過網民指賣衫定價忽然偏高，卻性價比低，有網民點好奇問：「係咪幫佢買衫，包埋佢去日本旅行㗎，當人水魚？」

Serco Serco有連登女神之稱號，在IG賣衫反應好好，成為IG氣店！ — Serco有連登女神之稱號，在IG賣衫反應好好，成為IG氣店！（圖片來源：IG＠serco）

Serco被前員工大數7宗罪被斥無良僱主

連登女神Serco所經營店舖，6月時被前員工指控七宗罪，包括當店中貓貓是打卡工具，從不照顧，而貓貓居住環境更相當惡劣，又被爆刻薄員工，遲到一分鐘便要攪珠罰錢。又爆她欠供強積金兼拖糧等等罪行，同時被稱幫襯過的僱客投訴衣服品質好差。其後Serco否認是無良僱主，反指前員工們作嘢！潛水超過三個月，近日才蒲頭，為其店做人版賣衫。不過網民卻斥價錢高得嚇人！

Serco Serco被前員工狂數惡行，被斥是無良僱主。 — Serco被前員工狂數惡行，被斥是無良僱主。（圖片來源：IG＠serco）

Serco 被爆惡行後，Serco一度潛水，近日再上水，網店IG的舊post被清空，被發現轉走中高檔路終，被批價錢太貴，性價比低！ — 被爆惡行後，Serco一度潛水，近日再上水，網店IG的舊post被清空，被發現轉走中高檔路終，被批價錢太貴，性價比低！（圖片來源：IG＠serco）

Serco 在IG不時晒腿。 — 在IG不時晒腿。（圖片來源：IG＠serco）

Serco店重開捱轟：價錢好離地！

網民指Serco店內的貨品，過去所賣服裝都比較相宜，學生妹、少女或剛出來工作的女仔都能負擔。但11 月重開店，貨品價錢比以前高不少，「一條裙都700蚊？走火入魔」、「大部分都五百蚊起跳，仲要有千千聲，價錢好離地」、「以前貪佢平，依家啲款又唔特別又貴，去U記好過啦﹗」、「呢個價錢邊個買，咩係目標顧客？仲要大部分free size」、「啲品質好差，幫襯過一次都唔再買，依家仲咁貴，就算QC好咗都唔敢再買啦」、「個tote bag乜都無加佢個logo要三嚿幾四嚿水？搶錢」、「個風格好U記同GU，但價錢高過人哋」、「佢呢個價錢，我會去無記，話晒係日本名牌，出名料好」等。

Serco 近日Serco自家品牌店重開，賣自家設計，但沒有提及邊度製造。 — 近日Serco自家品牌店重開，賣自家設計，但沒有提及邊度製造。（圖片來源：IG＠sercoserco.ss）

Serco 網民指價錢偏高！ — 網民指價錢偏高！（圖片來源：IG＠sercoserco.ss）

Serco 網民批定價太高！ — 網民批定價太高！（圖片來源：IG＠sercoserco.ss）

Serco 網民狠批成本$3.6但卻賣$369 — （圖片來源：IG＠sercoserco.ss）

網店網頁英文錯漏百出

有網民發現時裝店網頁英文錯漏百出，「小學生英文都不如」、「又要扮高檔又要錯英文」，又指成個網頁又中又英，不倫不類，狠批「根本點走中高檔路線呀？又要英文，然後又用中文寫埋啲低能心情」。

Serco 網民發現無論IG網店還是網頁都出現英文錯字，應該是Balloon而非Ballon。 — 網民發現無論IG網店還是網頁都出現英文錯字，應該是Balloon而非Ballon。（圖片來源：IG＠sercoserco.ss）

Serco 網民指出應該是Let’s get started才通順。 — 網民指出應該是Let’s get started才通順。（圖片來源：sercoserco網頁截圖）

Serco 是SKIRTS還是SKORTS？ — 是SKIRTS還是SKORTS？（圖片來源：IG＠sercoserco.ss）

網頁扮高檔配小學生文字不倫不類

有網民指Serco若想轉路線就統一啲「以前玩開嗰啲小小聲、鬆鬆的沒有型、偷偷地說、我發誓不是故意，好似睇緊中學生寫blog，又同佢想呈現嘅高級感好衝突,睇到人好尷尬」，又指「個網頁除咗貨名、顏色會出現英文，試穿報告、指引嗰啲又變番中文」、更指最離譜是其會員制，「要課金一萬先做到金會員，每年八千續會都係得95折，真係多謝晒」，更留言叫Serco「回頭是岸，行返以前咁咪算，「唔好諗住改下個網站layout，換下排版就升格咗。Serco「復出」，反應好激烈！