Santis撞樣Yumi火辣解放網民：事業線發生咩事？

前YouTube Channel「FHProductionHK」幕前女主角Santis Chan（陳濬樺），自從同熊仔頭解約回復自由身後，就開設個人YouTube Channel及在個人IG上密密接Job，不再靠人上位，實行自力更生。雖然離開「FHProductionHK」後人氣大不如前，但Santis樣子標緻仍深得廣告商青睞。而Santis亦非常識做，除咗keep分享自己嘅靚相，力保人氣外，近日一輯相更設有「限量優惠」，事關Santis新相不但撞樣《星夢》嘅Yumi（鍾柔美），而且仲大解放曬深長「事業線」，向粉絲大派福利。但就惹起「升球」疑雲，其實Santis 今年先22歲，莫非係二度發育？

santis Santis樣子標緻深得廣告商青睞。 — Santis樣子標緻深得廣告商青睞。（圖片來源：IG@santis_chan）

santis Santis清涼打扮好吸睛。 — Santis清涼打扮好吸睛。（圖片來源：IG@santis_chan）

Santis撞樣Yumi派福利網民：條線發生咩事？

今年22歲嘅Santis（陳濬樺）自2021年初自薦加入Youtube 平台「FHProductionHK」後，隨即憑藉清純仙氣外表一鳴驚人，成功竄紅，IG粉絲量激增10幾萬。而向來走氣質路線嘅Santis近日係IG上分享嘅一輯新相中竟然大曬深長事業線，十分火辣。相中Santis妝容精緻，笑容甜美，身著一條淡綠色吊帶長裙配米白色披肩，頗具仙氣。但睇真啲竟然意外地同《星夢傳奇》嘅Yumi（鍾柔美）有幾分相似，兩姐妹一樣。不過最吸引人係相中Santis大方曬出傲人好身材，「事業線」非常深遠，令一眾網民驚覺原來Santis亦屬於有料之人，真係禾稈冚珍珠！相片一出隨即吸引超過7000人讚好，部份網民更忍唔住以心心眼emoji留言。但亦有網民留言「條呢線發生咩事？」似乎驚訝Santis忽然擁有好身材，懷疑Santis「靜靜雞」再發育。其實翻看Santis以往嘅相片，樣子依然仙氣，但身材瘦削，略顯骨感，上圍並未如今咁亮眼。

santis Santis忽然大曬傲人身材。 — Santis忽然大曬傲人身材。（圖片來源：IG@santis_chan）

santis Santis 呢個側面同Yumi撞曬樣。 — Santis 呢個側面同Yumi撞曬樣。（圖片來源：IG@santis_chan）

santis 兩姊妹咁。 — 兩姊妹咁。（圖片來源：IG@yumichung1221）

santis Santis之前將火辣身材隱藏得好好。 — Santis之前將火辣身材隱藏得好好。（圖片來源：IG@santis_chan）

santis 明明7個月前都骨感咁多。 — 明明7個月前都骨感咁多。（圖片來源：IG@santis_chan）

Santis 人氣下滑派福利搶Fo？

Santis離開「FHProductionHK」後，隨即就發展個人Youtube Channel，亦不停作新嘗試，希望吸引新粉絲和保住人氣，但似乎除了同MC（張天賦）嘅緋聞及認曾同熊仔頭拍拖外，就欠缺話題及趣味性。加上御任「熊女郎」後Santis密密接廣告，其個人IG己經儼如廣告營業帳號，近9成圖文均為廣告。未知係米上述等多番原因影響下，Santis嘅人氣明顯下滑，個人IG嘅post讚好量亦倍速下降。唯獨部份吸睛嘅福利圖仍能收穫大量讚好。而似乎己經捉到「流量密碼」嘅Santis今次大方曬事業線，雖然扺死地放係post嘅第二張圖，但己經吸引大量粉絲讚好。