Rock哥搵劉馬車拍片惹屎上身！馬車街頭遇襲爆晒缸(有片)

Rock哥搵劉馬車拍片惹屎上身！馬車街頭遇襲爆晒缸(有片)

Rock哥近日拍攝一系列「劉馬車的自白」影片，希望觀眾更了解劉馬車這個人物，並揭開劉馬車的傷疤。不過就因為拍攝影片的關係，令到劉馬車突然同Rock哥「稱兄道弟」，並單方面指會同Rock哥搞「粉絲見面會」。有見及此，Rock哥都即刻發聲明與對方割席，並表示沒有見面會一事。而事後Rock哥都大愛地希望粉絲不要攻擊馬車，直言「勸佢睇醫生食藥就可以了」。

劉馬車被打到爆缸

不過劉馬車就在昨日（18日）時，踢完波回家時突然遭到他人伏擊，直遭對方用「鐵蓮花、鐵棍等武器襲擊至重傷」。而馬車都在IG Post出傷勢圖，仲直指遇襲事件的幕後黑手為Rock哥，直言「Rock哥，我劉馬車從來唔怕d黑勢力惡勢力，放馬過黎啦，我爛命一條！」。

Rock哥嘆：奶屎上身…

事件再次引起Rock哥關注，並在IG再次聲明，指自己今次真係「奶屎上身」，由原本是想幫馬車變到對方用自己名聲「搵食」，又指今次的控訴已可構成誹謗。Rock哥仲指自己知劉馬車熱愛音樂，更幫對方搵音樂團隊做音樂，不過「好心做壞事」，但最後都係勸觀眾不要攻擊馬車，叫對方食藥便可。

劉馬車邀Rock哥隻揪

而劉馬車被打傷後都相當不忿，再次發癲指控是Rock哥所為，並沒有任何歉意。而馬車在今早時間出院後都再次拍片，指向Rock哥下戰書邀對方打擂台，又鬧爆對方「好虛偽好嘔心」，而不少網民都認為馬車又重回以前的舊路，好快又玩完。

有片！