Regen爆遭神秘男子纏擾多年 長洲cafe跟縱「女友」等收工
廣告
前女子組合HotCha成員之一的張惠雅(Regen),去年和男友分手後,受情傷的她開始暴瘦,最輕時只剩84磅,情緒和健康狀況令人擔心。早前她在長洲開cafe重新出發,可是日前她在IG Story中,透露長期被一位男子騷擾,該男子更試過在cafe等她,此事令她感到心寒,擔心人身安全受威脅。
撰文:叮叮|圖片來源:Regen IG
神秘男子:你一定有代價
Regen在IG轉貼神秘男的私訊,該男子留言說:「你怕咩俾人知?怕俾傳媒hack你手機,知道我哋嘅嘢?……話你哋三個都中意同一個男仔?好心你啦,做明星做到咁,唔好X做啦,你一定有代價……咁其他人點approach你?拍咁多次拖,啲仔點搵你?怕俾人知道,話我係狂迷,你有幸福先算啦。」
![(圖片來源:Regen IG)](https://imgs.nmplus.hk/wp-content/uploads/2021/09/19_11010997846138792523aac-1024x681.jpg)
身邊朋友同樣受滋擾
對此Regen在IG留言說:「好大段時間俾呢個人騷擾,完全唔識但係幻想好多無發生過嘅事,好恐怖,block完一個acc又一個新,仲會騷擾我身邊嘅人,inbox或者whatsapp佢哋鬧佢哋。」Regen透露該男子曾到長洲cafe等她及看着她離開,令她感到膽戰心驚。有傳媒事後聯絡Regen,她就此事回應指該男子已騷擾她多年,起初以為是fans,但之後對方不但誤認她做女友,還覺得Regen曾背叛他,事件令Regen十分困惑,一度以為自己是否和對方相識。她又指該男士不時對她粗言穢語,令她不勝其煩,希望自己公開事件,可以令他停止騷擾行為。