Regen貼滿佈斑紋腳、下巴爆瘡、體重跌穿90！自爆：醫生問我係咪High毒？

撰文：Lmc丨圖片：Rege@IG 丨編輯：海月

貼出滿佈斑紋腳相 醫生：係咪High毒

Regen貼出滿佈斑紋的右腳相，留言講到去年到越南時被昆蟲所咬：「成年唔敢見人，原本上年新年去越南比嘢咬。半年後好得七七八八，但係突然冇濕疹嘅我開始雙腿好痕，好似風癩咁樣，好痕好痕。有時訓咗自己R咗唔知，最後變成咁樣，去開嘅醫學美容中心好好都嚇親。醫生問我係咪High毒，打過一次pico，其實你而家見到已經淡咗一半顏色，醫生話黑色素深度好似岩石咁，原本要繼續去打斑，醫生好好幫我好咗好多，但係自己好忙好攰，不如同自己講接受咁樣嘅自己，接受現實。」

網友留言鼓勵：為妳健康祈禱

Regen近年身體狀況令人擔心，除了情緒問題與體重問題，Regen又飲酒踩單車跌崩半隻門牙。加上貼出右腳相，不少人都留言關心她，包括一眾圈中，如鍾舒漫與陳蕊蕊等。又有網友留言：「可以接受外在的不完美，但不可以忽略健康的重要性，為妳健康祈禱。」

下巴生滿瘡 體重跌穿90

此外，Regen又貼出下巴生滿瘡的照片，見到她下巴生滿瘡，皮膚凹凸不平，情況嚴重。Regen提到：「短短兩禮拜，突然兩個禮拜內我嘅皮膚，去到有咁差得咁差，下巴全部都係瘡，好返又生好似覺得唔夠咁再生多啲，鼻翼側邊又生，好青春。」另一方面，Regen上載一張量體重的照片，講到「返到屋企就開始胃痛定唔知腰痛，瞓覺就出汗，94磅嘅我，今日已經跌穿90，而家個人仲係好攰，瞓覺仲係會標汗。」