P1X3L歐鎮灝George出po鬧爆環球唱片！網民：得佢未有solo歌

男子組合P1X3L歐鎮灝（George）疑似出po鬧所屬的環球唱片，仲tag埋隊友葉振弘（Marco）同吳啟洋（Phoebus），兩位兄弟都有轉載！三人參加《全民造星2》出道，2021年簽約環球唱片，後兩者先後推出個人單曲，唯獨歐鎮灝未有個人作品，加上之前出聲撐被雪的師姐陳凱詠（Jace），惹火post引起網上激烈討論。

P1X3L歐鎮灝George爆粗惹火po

P1X3L歐鎮灝（George）在IG即時動態，貼出一張地球圖片，上有大大隻字「FXXK」，而圖案跟環球唱片公司logo尤為相似，令人聯想歐鎮灝表達對所屬的唱片公司的不滿。

歐鎮灝歐鎮灝是《全民造星3》第四名。 — 歐鎮灝是《全民造星2》第四名。（圖片來源：IG＠georgeau.8）

歐鎮灝歐鎮灝疑似爆粗鬧環球唱片！ — 歐鎮灝疑似爆粗鬧環球唱片！（圖片來源：IG＠georgeau.8）

歐鎮灝George：「不管你在經歷著甚麼不要客氣」

及後再引用別人的一篇文章並tag了隊友吳啟洋和葉振弘，內容是「你很棒、很努力，甚至超越原本該有的一切，今天不管你在經歷著甚麼不要客氣，好好肯定自己一波，一路走來好不容易，對嗎？無論你是誰，甚麼身份都值得！我打從心底為你們感到驕傲。」而兩位隊友不但轉載，更加上「加油」emoji 。

歐鎮灝三人組成P1X3L，2021年1月成為環球唱片旗下歌手。 — 三人組成P1X3L，2021年1月成為環球唱片旗下歌手。（圖片來源：IG＠georgeau.8）

歐鎮灝George撐被雪師姐陳凱詠

其實歐鎮灝不是首次對環球表達不滿，去年11月，同公司的陳凱詠被環球雪半年等解約，歐鎮灝就答：「「我哋都有半年冇出歌喎。」他又說：「我哋會繼續支持師姐，同我哋一樣咁默默地努力。」

歐鎮灝撐師姐Jace出事？ — 撐師姐Jace出事？（圖片來源：IG＠georgeau.8）

歐鎮灝被環球雪藏的陳凱詠左），近來與朋友度假中。 — 被環球雪藏的陳凱詠（左），近來與朋友度假中。（圖片來源：IG＠jacechw）

歐鎮灝George獲網民撐敢言：音樂會講足一年幾都係得個桔

網民大讚他敢言，留言力撐：「環球乜春都唔做，淨係識係街頭同巴士落廣告，依家連m記歌都無埋開音樂會講足一年幾都係得個桔」、「簽咗兩年，加埋啲乜乜版本先夾硬叫有4首團歌，幾時先等到開騷？」、「鬧得好，環球根本唔識做，你睇Jace要走，Gin Lee要走，得番Aga又唔好好做」、「得佢夠膽講」、「垃圾環球對紅咗既爆炸頭都唔識捧啦，之前曾比特先嘈過，環球好有問題」、「佢做綜藝都拍劇都幾好，但就係無首solo歌」等。

歐鎮灝歐鎮灝在《I.SWIM》演大秋，演技獲讚！ — 歐鎮灝在《I.SWIM》演大秋，演技獲讚！（圖片來源：《I.SWIM》截圖）

歐鎮灝George被網民恥笑改壞名：好心唔好發歌星夢！

不過亦有網民指歐鎮灝無資格批評環球，「三個之中佢最無資格出聲喎，唱又唔掂跳又唔掂！淨係靠個樣」、「果日張國榮音樂會佢地唱monica，離譜到，亂叉咁黎，完全冇夾過就上台咁」、「係咪見《造星5》都嚟，所以淆底呀？」、「佢同phoebus都可以靠個樣拍劇拍吓電影，好心就唔好再發歌星」、「呢隊嘢上chillclub三個人咪嘴都可以跳舞唔齊」、「隊名改錯累事囉，啲人唔識讀，到識讀又唔識串，喺網上發揮唔到作用」等等。