【P圖大戰】「玻璃朱」舌戰盧覓雪：我已經係一個就快47歲嘅女人，So what？舊愛黃宗澤：呢啲唔提啦　

撰文：Lmc丨圖片：盧覓雪、玻璃朱@Facebook、黃宗澤@IG、RTHK丨編輯：海月

二人辯論多個娛樂議題 盧覓雪：娛樂節目係提供娛樂嘅

盧覓雪和「玻璃朱」辯論多個議題，包括娛樂節目是否需要履行社會責任、藝人應不應表達自己政治立場等。盧覓雪認為娛樂節目硬加社會責任是多餘，她提到：「娛樂節目係提供娛樂嘅，如果嗰個節目係令到觀眾好開心，去追住去睇，已經達到目的，所謂社會責任係要政治好正確？一定要歌功頌德或者一定要表示支持呀，一啲表態式嘅嘢，我覺得其實係一種硬加喺娛樂節目上面嘅事，係會適得其反嘅！」

玻璃朱：娛樂要有底線

針對盧覓雪睇法，「玻璃朱」就認為：「娛樂好重要，但就要有底線，我都同意娛樂節目係咪要去到好硬膠、植入式去擺一啲道德觀念好重嘅嘢，係冇需要，不過YouTube之前有啲片係用腳整到對方撻低，覺得好好玩、好funny，但原來試過有人終身殘廢，咁呢個咪係一個唔好嘅訊息囉，係呀係好娛樂，但有個社會責任，有啲係危險有啲係過咗底線，我覺得我哋要守住呢個底線。」而二人討論氣氛尚算溫和。

玻璃朱：我已經係一個就快47歲嘅女人，但So what ?

另外，玻璃朱又在Facebook發文提到自己快47歲：「係呀，有頸紋（條頸紋十幾歲就有），有白髮⋯因為我已經係一個就快47歲嘅女人。但⋯So what ? 每個人都會變老，都會醜樣，包括你同我。我從來都唔係賣外表，一向賣內涵。老又如何？不如睇吓你自己到47歲時仲有冇呢啲樣同身材先批評別人啦。 好開心同Michelle 交流，有火花，又有內容。希望港台可以盡快足本放係網上同大家分享。」

舊愛黃宗澤：呢啲唔提啦

另外，玻璃朱曾自爆與黃宗澤拍拖，近日黃宗澤出席活動被問到關於玻璃朱，黃宗澤就指：「嘩！呢啲唔提啦！冇咩聯絡喇。」吳卓羲解圍：「唔好搞呢啲嘢。」