Netflix爆紅韓劇《社內相親》 劇情老土卻撃敗《華燈初上》榮登第一位？！網民：而家香港係需要呢種劇集

老土劇情仍有受眾！

Netflix最近上映不少熱門韓劇如南柱赫、金泰梨主演嘅《二十五，二十一》、宋江與朴敏英主演《氣象廳的人們：社內戀愛殘酷史篇》，單睇主角已經非常吸晴，兩套韓劇早喺上年已令不少韓劇迷非常期待！而早前Netflix仲上映台灣熱門劇集《華燈初上》第三季！喺競爭如此激烈時，竟然被韓劇《社內相親》跑出，不少網友都表示感到驚喜！原因《社內相親》只由一套漫畫所改編，劇情只是普通嘅辦公室戀情，橋段老土，演員亦不及宋江、南柱赫等。原來全因劇情的幽默節奏控制良好、4位cp吸晴力強、角色人設好等。

節奏控制良好幽默位不幼稚

《社內相親》劇情雖然與普遍浪漫愛情片不相伯仲，但節奏相當明快，絕不像以前嘅愛情韓劇，男女主角基本上要跨過重重難關，直到最後1集才可以有情人終成眷屬，有時為咗拖劇情，好似特意安排一啲不必要嘅難關俾男女主角，搞到睇到一半已經頂唔順了！《社內相親》就完全唔同，現時只播到第8集，但男主角早喺第6集已明確對女主角的戀情，節省非常明快！而且幽默位處理得宜，唔少網民亦表示睇得相當愉快輕鬆，亦喺而家疫情相當嚴峻嘅時刻帶來一點歡愉。

4位cp吸晴力強

《社內相親》由安孝燮、金世正主演，男女主角本來就非常吸晴，再加上顏值非常高巳嘅薛仁雅同金旻奎嘅副線，令整套劇情更加吸引！

男主角安孝燮係韓裔加拿大籍男演員，《浪漫醫生金師傅2》、《紅天機》、《深淵》已為人所熟悉。身高187，又多才多藝嘅安孝燮令不少少女敗倒，被稱為「奶狗臉蛋但擁有超溫柔眼神」！

同樣多才多藝女主角有「GOD世正」封號金世正，代表作《驅魔麵館》為人所認識。曾經係YG練習生，唱過多套知名韓劇歌曲，例如《愛的迫降》〈All of my days〉、《藍色海洋的傳說》插曲〈If Only〉、《驅魔麵館》〈Meet again〉等等。

副線薛仁雅同金旻奎都被認為顏值超高！金旻奎喺劇中飾演一位直男秘書，卻一除掉西裝下肌肉線條爆出，引死不少網民！早前已經演出過唔少爆紅韓劇《Signal信號》、《無法抗拒的他》、《雪降花》等，佢喺《雪降花》中嘅演出同《社內相親》簡直判若2人，唔少網民直呼認唔出！而曾係偶像練習生薛仁雅，甜美外表，但身材超火辣！跳舞唱歌通通都難唔到佢！拍過《大力女子都奉順》、《哲仁王后》、《青春紀錄》等。

角色人設有趣 討好觀眾

《社內相親》劇情雖然老土，但當中的人物設定就同以往唔同，觀眾都非常受落！男主角同樣係霸氣總裁設定，但並唔同以往韓劇女追男，男主角一副高高在上嘅表現。相反男主角比女方更早一步察覺自己的感覺，仲用盡方法討女方歡心，相信睇咗咁多年女追男嘅愛情劇後，都會想睇吓呢種安排，同埋呢種類型嘅男主角設定。女主角一脫蠢氣、工作能力低嘅姿態，變為直率可愛，仲主動獻吻！

副線女配角薛仁雅完全不會過於嬌情綠荼，性格可愛又帥氣，勇敢追愛、亦為朋友出氣！男配角金旻奎肌肉直男亦成為焦點，待人溫暖又有禮貌，與薛仁雅擦出火花後大變肉食男，反差度滿滿！網民亦指好少副線都咁好睇！