My Little Airport演唱會︳網民轟粉絲4宗罪成班MK仔拎優越感溝女！？

Q: 粉絲如何影響My Little Airport？

網民首先指出My Little Airport的粉絲「勁x痴線」，其形象大多係「MK偽文青覺得... 詳情請看

My Little Airport（簡稱MLA）係香港2人獨立音樂組合，成員有林鵬（阿P）和區健瑩（Nicole Au），由2004年成立至今，作品包括：《詩歌舞街》、《火炭麗琪》、《每次你走的時分》等。近日My Little Airport於九龍灣國際展貿中心開2022演唱會《你望吓嗰邊》。有網民就MLA今次演唱會於討論區大呻粉絲低質，搞到My Little Airport好似「邪教組織」？

網民轟粉絲4宗罪

1. 粉絲形象差粗口爛舌

網民首先指出My Little Airport的粉絲「勁x痴線」，其形象大多係「MK偽文青覺得食煙飲酒好能chill」，入場睇演唱會要食住煙同飲住酒，仲要大大聲講粗口鬧其成員阿P的design唔好，自以為自己好型。

2.睇演唱會時規矩多多

大呻去睇show要迫人企起身支持偶像，唔企就好似唔夠投入，網民認為有時啲人返工已經企足全日。其次唔可以㩒電話同埋唔俾準時離場「燈都開曬成班仲喺度大叫人唔好走，阿P都講咗好攰真係散」如果準時走就會俾人鬧「睇演唱會趕時間不如唔好睇」，網民大感無奈，認為想放工去睇下偶像的show都要俾人鬧，同埋唔係個個都咁得閒！

3. 認為唔聽MLA就係無品味

如面對唔欣賞或無聽My Little Airport的歌的人就會出現嚴重排斥，認為嗰啲人無品味，唔識欣賞音樂，鬧人「唔聽indie」。

4.聽MLA的歌成為擇偶條件

有唔少粉絲曾喺My Little Airport TG群組話「好難同唔識欣賞MLA嘅人拍拖囉」「個EX唔聽MLA所以變做EX」，將聽MLA的歌成為其中一樣重要的擇偶條件，而且仲會強迫自己的另一半去睇show，網民指呢班粉絲好似唔識尊重人。

網民認為：影衰My little airport！

唔少網民都認同，認為搞到My Little Airport真係邪教組織咁，明明唔關MLA事，所謂粉絲行為偶像埋單！「歌係好聽但fans質素差，唔知點解吸埋曬啲自我中心偽文青mk，有入場睇就明」「真係入場勁x多，一完場踎晒喺門口食煙」「只係鄧MLA 慘，因為佢地唔係MK」「你班mk fans 破壞曬啲氣氛影衰My little airport」「我唔會想有呢d onx仔做埋d羞家野拎優越感，完全拉低質素，係唔係諗住咁樣講一講會有女埋身，比女讚下，嘩你有聽mla架？好有taste呀」