MIRROR︳Frankie挑戰古裝 粉絲大讚似現代版「十二少」
廣告
ViuTV人氣男團MIRROR成員34歲的Frankie陳瑞輝「皮皮」，係MIRROR公認的「顏值擔當」。近日Frankie似乎去咗台灣玩，社交平台po出一系列的復古look靚仔相，粉絲個個留言大讚，不過Frankie就tag咗自己著旗袍？！
MIRROR︳Frankie著唐裝台灣打卡
Frankie近日似乎去咗台北玩，社交平台po出一輯復古look靚仔相，相中佢著起唐裝，喺台灣的一啲舊式街道打卡。原來Frankie去join咗一間位於台北的旗袍體驗店，可以租借旗袍體驗去迪化街打卡，不過睇返似乎都係女性顧客比較多。
MIRROR︳粉絲「皮寶寶」大讚：好有十二少 feel 呀
對於Frankie的唐裝相，粉絲個個睇到大讚「好靚仔」「復古都可以好靚仔 」「frankie真係好靚仔」「皮皮個look 好似書香世代公子」「好有上海少爺feel」「長衫有公子feel呀！好睇」「行走的衣架」「皮皮著什麽衣服都好看佢好識穿衣」「輝少嘅胸肌令人忍唔住尖叫呀」「皮皮好有十二少 feel 呀」
MIRROR︳Frankie著旗袍？
不過Frankie唔知點解喺相tag咗「旗袍」，有網民留言問「皮皮，唔係女仔著嗰啲先叫旗袍，男仔嗰啲叫長衫咩？」「旗袍係女裝，男裝好似叫大掛/長衫啊～」「皮你嗰件唔係叫唐裝咩？」「主子靚靚，不過呢件唔係旗袍啊」有粉絲就認為Frankie可能係開新劇劇透。亦有粉絲覺得Frankie幾似葉問「唔知點解 我諗起葉問」
MIRROR︳Frankie再接再厲著埋扮埋皇帝！
Frankie唔知係咪古裝玩上引，喺IG Story po出扮皇帝的古裝，寫上「睇吓皮寶寶講咩先，呢個應該就係正宗古代mon post方法。」有網民就大讚Frankie成個《九五至尊》飾演雍正的江華咁，好靚仔，不過都有網民認為唔夠霸氣「著起龍袍都唔似皇帝」！
圖片來源：《胭脂扣》、ig＠frankie729、facebook＠貳零年華 Salon 1920s
