MIRROR突發出新歌！大玩濕身誘惑《The Beautiful Game》、ERROR變身「歐國盃講波佬」193：到時打俾「荷蘭叻」

撰文：海月丨圖片：Now、ViuTV、New Monday

MIRROR突發出新歌！大玩濕身誘惑《The Beautiful Game》

Now TV早前宣布將全程直播今屆歐國盃51場賽事，同時更邀得人氣爆燈男團MIRROR成為「歐國盃大使」，推出主題曲《The Beautiful Game》。除歐國盃賽事，MIRROR亦會主持賽事直播前嘅遊戲節目《EURO鬥Goal Fun》。

剛完成6場演唱會嘅MIRROR，除因為要拍戲嘅隊長Lokman外，其餘11位成員均有出席今日發布會，更分成3組大玩遊戲。途中另一男團ERROR更「突襲」Jer、Anson Kong、Ian及Jeremy一組，即興變成「演劇混戰」。

而MIRROR突發出嘅新歌《The Beautiful Game》，不但係今屆主題曲，歌曲MV更有成員在水簾中鏡頭，姜濤等人都有濕身演出。

ERROR變身「歐國盃講波佬」

除MIRROR成為「歐國盃大使」，ERROR成員193、保錡、Dee及肥仔更會於歐國盃期間同評述員出身嘅強尼化身「講波佬」，於新增嘅「第三聲道」直播跟多位KOL及球圈人士參與評述。阿Dee表示：我們4個都好期待今次評述，因為可以瘋狂『亂噏嘢』，有強尼大哥拉我們回來。更表示會將之前《ERROR自肥企画》中「贏」得1噸啤酒及大量薯片帶去同隊友分享。隊長肥仔就直指「公司搵我們都絕對唔係想我們正經講波」，193笑稱：有咩問題會「打畀荷蘭叻」，但無佢電話，可能要去微博「DM」。

MaskOn合作推出獨家特別版限量口罩

為讓球迷全程投入歐國盃賽事，Now TV特別與MaskOn合作推出Now x MaskOn box set (限量版)。Box Set內除了有歐國盃特別色（極簡灰及嬉⽪⼠⿈），為讓球迷在賽事期間更投入參與，MaskOn設計團隊更在Box Set內加入歐國盃隊伍旗幟口罩夾、比賽賽程、晉級表等等，球迷撐愛隊之餘又可當作紀念品收藏。