MIRROR演唱會|花姐親發文講12月MIRROR個唱事宜 鏡粉們注意啦!
MIRROR演唱會5月初已成 傳紅館期為12月
【MIRROR演唱會】繼2018年後,超人氣男子團體MIRROR將於5月6日至5月11日,在九展StarHall舉行一共6場兩周年演唱會《FWD 富衛保險呈獻:MIRROR“ONE & ALL” LIVE 2021》,雖然MIRROR有部份成員帶病上場,令鏡粉感心痛,但六場個唱氣氛依然高漲;在個唱展開期間,外間曾有不少報導均傳出MIRROR 12月有機會進軍紅館的消息,而在尾場後時,當MIRROR各成員講出感受後,台下的一眾鏡粉就回應大叫:「紅館見」,令整件事聽起來疑幻似真。
花姐曾表示MIRROR進軍紅館要同公司討論
MIRROR演唱會完結當天,MIRROR同花姐出席慶功宴,並同時接受媒體訪問,期間有不少記者問花姐有關MIRROR將在今年底進軍紅館開個唱一事,花姐聽後表示:「大家內心都好想做紅館,但嗰個係咪最適合嘅時間呢?我哋要開會傾吓先,呢幾日工作太忙,瞓都冇得瞓,畀我唞下先。」
及後有記者問到花姐,有報導指由彭秀慧執導,姜濤將與毛舜筠合作飾演母子一事,花姐直認有此事:「我哋喺有Plan姜濤處女作喺今年發生,有Plan嘅,但詳情就要再傾,劇本啱唔啱都要大家傾。(記者:未落實同彭導合作?)成日都同彭導演傾呢啲,佢係拍嘢好細膩嘅女導演,係咪真係合作就要再傾,唔可以咁倉猝,因為都係佢第一次。」
MIRROR演唱會|古天樂睇足全場 Jer加插尾場限定全場勁High
MIRROR演唱會個個輪住喊 姜濤高呼:香港加油!香港樂壇加油!
MIRROR演唱會完結花姐大講紅館及姜濤進軍銀幕計劃 森美早霸王大讚12子各有魅力!
傳花姐早已入紙申請 楊千嬅放棄檔期
隨著疫情放緩,紅館重新開放,莫文蔚、胡楓、黎明、C AllStar等不少歌手已排隊舉行個唱,而去年成功取得跨年檔期的楊千嬅,最終因疫情問題而告吹,原本紅館方面答應延至今年舉行,但據知楊千嬅一方已決定放棄檔期,令今年的跨年檔期空了出來。直至早前,MIRROR經理人花姐接受媒體訪問時就有提到,已為MIRROR入紙申請紅館檔期,湊巧有部份的日子原定與楊千嬅的跨年個唱重疊,所以未完全確定。
相關文章:
MIRROR紅館成就將解鎖!楊千嬅棄跨年期 傳花姐已入紙申請
花姐終開口 MIRROR紅館期不在今年
直至今日(28/5),花姐就剛剛在其社交網上發佈限時動態,並留言寫下:「大家小心D,唔好俾人呃,MIRROR暫未有打算,12月開CONCERT。」雖然12月底MIRROR暫未能進軍紅館,但相信MIRROR攻館日子不遠,各位鏡粉,就要好好等待啦!
圖片來源:新Monday、花姐IG