以巴衝突︳Ming仔直播「千鈞一髮逃離戰場全過程」機場曾出現恐慌！
廣告
元祖YouTuber之一的Ming仔近日去以色列耶路撒冷玩，剛好撞正巴勒斯坦組織哈馬斯（Hamas）對以色列進行多線大突襲，正式宣戰打仗！網民都對Ming仔感到擔心，昨日（9日）Ming仔成功返港直播報平安，交代逃離戰場全過程，10日仲出咗條片，將警報響咗之後24小時實況拍低咗！
Ming仔睇住哈馬斯「捉人質」當地朋友去應戰
Ming仔直播一開始講返自己起身去咗跑步，突然聽到色列今朝響起全國警號，同埋爆炸聲，當地正式進入戰爭狀態。而好彩ming仔剪片曾經了解過歷史以及聽過警號聲，所以知道唔對路。由於當日係當地的休息日，所以大部分餐廳都無開。Ming仔後來聯絡咗一個當地認識的朋友Boaz，該朋友即刻接待咗ming仔，佢表示同Boaz睇住新聞，見到哈馬斯喺音樂會「捉人質」，心情複雜。後來Boaz收到國防部電話，需要立即去應戰，ming仔仲睇住佢pack嘢，最後ming仔表示好感激Boaz，最後仲非常照顧佢。
搭到最後一班機 機場曾出現恐慌
Ming仔擔心去難去到機場，就提前去到機場先，機場大堂有人聽到警報，出現恐慌，現場變到相當混亂。Ming仔跟咗去一個後樓梯的地方躲避起來，前後2、3次左右，後來認識咗一啲同行的朋友，一直等到上機，成功提前返到香港。Ming仔仲表示佢搭嗰班疑似係最後一班。
一齊睇片：
當年Ming仔「帛金公關災難」發生了甚麼事？
Ming仔曾開支票捐錢給星火，唯金額是$100,001，被網民圍插指是畀「帛金」。Ming仔其後再出post道歉但網民仍不賣賬，短短一日間其Youtube Channel訂閱人數更跌10萬人…詳情請看
圖片來源：youtube＠mingjai14、ig＠mingjai14資料或影片來源：youtube＠mingjai14
