「LOONG 9」風頭無兩 曾志偉卸膊唔係佢諗 回應Tommy：以前提拔佢又唔講？

曾志偉解釋「LOONG 9」唔係佢諗架 強調個名無問題

曾志偉透露LOONG 9的團名其實不是他所構思，而是來自國內的宣傳團隊。「其實唔係我諗嘅，係國內啲宣傳朋友諗嘅。」面對有人將LOONG 9視為笑柄，曾志偉卻毫不在意，他堅定地說：「冇壓力，慢慢大家放長雙眼睇，睇吓班細路，你就知個名係冇事，因為我哋以前起過好多好嘅名㗎，你初初出嚟都覺得好奇怪，但慢慢你就會覺得呢個名好好，只要班人會紅，個名就係好，唔紅就係改錯名。」

曾志偉引用經典佐證觀點 《A計劃》咪又變家傳戶曉

曾志偉引用了多個經典戲名來佐證他的觀點：「以前我哋拍過《恭喜發財》，畀人話有冇搞錯你識唔識改名㗎，「恭喜發財」都係名嚟？最後賣錢囉、破紀錄囉！另外《A計劃》，成龍點解要改個呢個名，冇呀改住先㗎咋，咁個個都知叫《A計劃》囉，咁就叫呢個名囉。其實好多名你都係唔知點樣嚟嘅，但結果咪又係家傳戶曉。仲有《警察故事》，咁套戲係講警察嘅，就叫《警察故事》囉，咁你話改得好唔好呢？改嗰時又畀人話『你冇名㗎喇？叫警察故事？』，仲有得拍第一集、第三集！其實喺我哋呢行就係咁，順口就得。」

E-Kids舊名「A4」曾志偉：以前提拔佢又唔講？

談到E-Kids的Tommy（阮民安）曾投訴他建議將團名改為「A4」，曾志偉則輕描淡寫地回應：「為呢啲事嬲點做人呀？呢啲細嘅，我哋以前提拔過佢，但佢又冇講我哋點提拔佢，淨係講改名呢啲事，我就覺得好奇怪。但係冇所謂啦，我哋喺呢行帶過唔少後生仔出嚟，呢啲係好小嘅事。」

E-kids決裂？成員林詠倫Alan怒揭阮民安「A4」吹水 老屈恩人曾志偉