Yaki Wong 3大回應自家美容院感染事件:客人應配合保持個人衛生
Yaki Wong 3大回應細菌感染事件 po出多張「正貨保證」證書
爆發事件後Yaki Wong一直未有回應事件,仲去旅行周圍去玩,直到昨日(20日)終於Yaki Wong於IG玩「你問我答」,終於回應事件。被網民問到「東張西望單嘢 唔解決下?」Yaki Wong 影住多個「正貨保證」的證書,繼而出千字文回應。
1. 細菌感染事件完全係個別事件
首先講到呢段時間唔回應係因為未有實質結果下,唔想向大家作出不負責的回應。而Yaki Wong表示作為負責人的責任係同大家全面交代整個事件,而唔係再追究邊個的責任。佢解釋爆發事件後,佢哋每日都向衞生署各個醫生、部門交涉,配合調查,提供美容院的所有紀錄,終於去到日前收到衞生署的回覆,佢哋診所的環境、產品、醫療用品的化驗結果同細菌感染事件無任何相關,細菌感染事件完全係個別事件。
2. 提醒客人療程後需要配合保持好個人衛生
Yaki Wong再解釋係診所控制範圍內佢哋會做到最好,而且傷口發炎引致的成因有好多。Yaki Wong表示今次事件後佢哋會反思點做得更好,同埋強調提醒客人療程後點妥善護理,傷口康復之前應該保持好個人衛生,指出最有用一定係客人的配合。
3.Yaki Wong診所12月仍full booking
Yaki Wong最後強調自己診所都想俾到安全、專業、放心的醫美空間比大家,而事後好多媒體有登門採訪,強調有媒體報導的唔係全部事實,多謝舊客人的支持。睇黎今次的事件對Yaki Wong的診所未有太大影響,爆發事件後Yaki Wong 仲去台灣旅行,story都有講到佢哋12月已full booking。
完整千字文:
港女打膠原蛋白打到細菌感染
衞生署公布一位24歲港女曾於旺角「GEEL MEDICAL」,接受聲稱能刺激膠原蛋白增生的注射服務,花咗$4,800注射後該注射位置出現皮疹及膿腫,事後有數次返去該店向醫生跟進,但情況依然無改善。港女11月24日去睇私家醫生,抽取樣本化驗後發現感染膿腫分枝桿菌,病人現時情況穩定。據初步調查,注射為一名註冊醫生,而早前曾爆出多宗感染膿腫分枝桿菌的感染群組個案,暫時未發現有關。
塊面要留疤美容院態度輕挑
事主於IG po出其報導以及上《東張》接受訪問,指自己每日打抗生素食藥,而家要住院2至3個星期,仲要做手術放返啲菌出嚟。事主表示一開始醫院建議做切除手術,但要留手指咁大的疤痕,咁樣先可以清得晒啲菌。但姑終因為喺塊面,所以事主唔想,就變咗開1cm咁樣慢慢推返啲菌出嚟,但就手尾,而且未必保證可以清晒啲菌,傷口仲可能會永久留疤。事主仲爆出當時美容院仲要用好輕挑的態度對佢,問佢哋咩事,只係不斷回覆可能係生暗瘡。事主呼籲相關受害者要一齊企出嚟。
美容院:俾返部分費用已經係最大的讓步
美容院事後願意退錢,同埋承諾2星期睇醫生的費用,但就要求事主簽一張退款協議,要求保密,仲唔可以採取法律行動,仲大返事主其實其他美容院係可以唔負責任,所以佢哋願意俾返部分費用已經係最大的讓步,事主最後唔肯簽呢份協議,表示根本唔係保障佢,只係保障返佢哋公司。美容院一位負責人楊小姐有回應佢哋係跟足情緒,強調有全程follow事主的事情況。
「GEEL MEDICAL」為擁有248k 粉絲的KOL Yaki Wong所主理的醫美中心,Yaki Wong愈撈愈勁,細鋪搬大鋪,搬埋大屋買埋樓俾屋企人。
《東張》訪問去片:
Yaki Wong教人100度滾水淥Con?同劉馬車拍片
Yaki Wong起初經常youtube拍片分享日常,仲咗扮靚美容心德之外,仲曾經同劉馬車拍片,劉馬車出返嚟之後2人都有見過面!
未做美容院前教人100度滾水淥Con?
Yaki Wong未做美容院之前係開格仔鋪賣con,當時曾爆出教人100度滾水淥Con的事,不過其後本人回應只係代理教佢哋。
網民就爆料「佢熱水淥con好出名wor,好耐以前買過佢嘅Con,好貴,戴戴下先feel到崩左一角小缺口,每次眨眼就刮一下眼,唔即刻除可能角膜損q曬,自此unfol佢,估唔到佢繼續害fans」「佢都唔止一兩次欺騙自己啲fans,都唔知點解仲有咁多follower」