KOL爆「人妻Coffee無從良」疑出席富豪飯局 狂爆行內秘聞多人榜上有名
KOL爆料「Coffee」疑似無從良？
有一名S字頭的KOL日前在IG舉行你問我答環節，稱清楚行內秘聞，因而引起網民瘋狂發問，其中有人問到「Coffee從良後，係咪無嘢聽？」這名KOL回覆：「咩叫從良後，有嘢聽啦梗係。」其後這名KOL出post大談有KOL成為人妻後仍然去偷食，又暗示有些已婚KOL出席富豪飯局，因而令網民聯想到剛提及的「Coffee」，引起熱議。
DaDa、吳若希都疑似有份?
該名KOL聲稱擁有大量同行黑材料，令網民踴躍提問，當中有提及DaDa陳靜、陳詩欣、吳若希、蔡嘉欣等，亦有不少知名KOL名字都榜上有名，網民熱烈追問以上名單是否曾出席相關活動？有網民指吳若希已嫁給澳門闊少，不相信她婚後還有花生派，該名KOL就稱吳若希老公並非外界以為的富有，由於該名KOL稱知道圈中秘聞，又指爆料陸續有來，引起網民高度關注兼激烈討論。
林芊妤越洋反擊 「殘廁gathering」被翻hit
當網民見到「Coffee」一字時，便想起由藝人轉型KOL兼任瑜伽老師的林芊妤Coffee，並令當年「殘廁gathering」事件再翻hit，當年Coffee仍是無綫藝員，因此而「被完約」， 憑在網上教運動而成為大熱KOL，成功翻身，更創立自家瑜伽服品牌，又嫁人生仔，不時晒幸福！而身在泰國度假的Coffee原來亦留意到該名KOL的言論，對對方所講的「Coffee」及咖啡emoji是暗示她自己，因而人在外地也嬲到發文反擊。
Coffee林芊妤彈弓口收回出律師信：我衝動咗！
Coffee發文指被影響旅行好心情，「一句說話就抺煞我咁多年嘅努力，嬲到個人醒晒」又指自己好忙顧家庭及打理生意，要澄清呢啲流言「相信呢個世界有報應」，又揚言出律師信告佢誹謗。Coffee亦有在其粉絲TG群組回應此事，但就收回出律師信的決定，因為「我咁樣只會幫緊佢，依家我followers係咁升，我唔可以再幫佢」，又話「如果呢度有任何人懷疑我嘅人格，請你退出我群組」，雖然彈弓手唔再出律師信，但Coffee今次真係大動肝火，去旅行的心情都被影響。
KOL預告陸續有來！
而該名KOL未有收口，更揚言夠100K就公開大量黑材料，更指「沒有證據嘅話，我怎能說出口？偽人一個一個來處理」、「慢慢來我啲料夠講一世」、又指「何用太心急，一晚露底蘊」似在暗示Coffee衝出來回應此事，最後以「待續」指爆料陸續有來，似是會有一場腥風血雨！
