粉絲熱度唔輸比姜濤！Ian陳卓賢獲「Hellosss」豪花超過30萬慶生！多區11個燈箱廣告、搞接力式生日Party
廣告
近來人氣爆發最勁藝人，絕對要數MIRROR及ERROR，每位成員可謂集萬千寵愛一身，不但成為廣告界新寵，亦備受粉絲喜愛。繼之前姜濤生日出現「姜濤號」及「姜濤灣」，今日（6月9日）就輪到Ian陳卓賢粉絲「Hellosss」出動喇！到底一眾Hellosss點為所愛偶像慶祝呢？即刻睇睇！
撰文：海月｜圖片：Ian IG、陳卓賢 Ian Chan Fans Club Facebook、陳卓賢 Ian Chan Fans Club IG、keungshowhkfanclub
Ian陳卓賢獲「Hellosss」超過30萬慶生！
上月尾姜濤粉絲「姜糖」豪花50萬為偶像賀生日，除了多區LED播生日片與巴宣廣告，最吸睛是其電車廣告，除了寫上祝福句子之外，「姜濤號」電車由石塘咀至北角線，打卡一流，該次姜濤生日花費估計最少要16萬元。
今日另一成員Ian陳卓賢生日，其一眾粉絲「Hellosss」於九龍多區巴士站燈箱落廣告慶生，包括荃灣、九龍塘、佐敦、太子、旺角、尖沙嘴、觀塘及九龍城，早在4日時落至10號足足一星期！
除燈箱慶生廣告，「Hellosss」更於Ian生日當天舉行「Happy Moment」生日Party讓Fans相聚，地點為觀塘一個商廈單位中，不過活動就以「預約制」進行，將會有約700名粉絲參加。生日Party場內有扭蛋機、影相區及生日應援物派發，真係勁有愛！據消息指，「Hellosss」為今次一連串活動更是豪花超過30萬！
原來「Hellosss」的由來是Ian於《MIRROR 100問》中，被問及點稱呼粉絲，點知Ian以為係「點同粉絲打招呼」就回答「Hello」，自此Ian粉絲就成為「Hellosss」。而「Hellosss」日前亦以Ian名義捐款港幣6900元至「點滴是生命」，將為柬埔寨有需要人士送上水井、水泵及生化砂濾系統2個。
Ian亦在IG中PO出兒時照片，多謝媽媽以及眾人的祝福：
