【無限斜棟有限公司】盧慧敏集集曬長腿人氣爆發！超模出身睇到人心心眼、同Ian陳卓賢拍拖半年愛情事業雙豐收

撰文：Andy｜圖片：盧慧敏IG、Ian陳卓賢IG、ViuTV Facebook、《無限斜棟有限公司》 截圖｜編輯：海月

憑《無限斜棟有限公司》盧慧敏愛情事業雙豐收

《無限斜棟有限公司》是ViuTV今年嘅第二部原創劇集。今次Viu就大膽起用三位新生代演員擔正，分別係盧慧敏、Ian陳卓賢@MIRROR和黃定謙。

三個新人都因為《無》呢套戲而獲得不俗嘅人氣。而盧慧敏人靚身材正，幾乎集集都派福利，大曬長腿～

戲假成真 盧慧敏與Ian陳卓賢因戲相戀

2020年底，盧慧敏與Ian陳卓賢拍攝《無限斜棟有限公司》，盧慧敏除咗成功奪取Ian嘅螢幕初吻之外，仲成功與劇中拍檔Ian陳卓賢戲假情真，共墜愛河。被媒體發現後，兩人大方承認拍拖。

兩人出席《無》劇集宣傳活動時亦冇避談戀情，更直言不介意情侶檔出席活動。

盧慧敏係南美混血兒 精通中英西班牙文

現年27歲的盧慧敏（Amy）你睇佢五官咁深，其實佢係一名貨真價實嘅混血兒。盧慧敏於哥斯達黎加出世，爸爸係香港人，而媽媽就係哥斯達黎加人。喺盧慧敏五歲果陣，佢地舉家移民來香港。所以佢細細個就精通「兩文三語」，識得講西班牙語、廣東話及英文。

上位時間線 由模特圈一步步爬上女主角位

2013年，盧慧敏香港浸會大學食物安全及環境健康系畢業於，加入model圈。憑姣好容貌和高挑身材（177cm），係model圈獲得一席之地。

2016年，盧慧敏贏得《國際時尚超模大賽》「亞洲區冠軍」，並順手攞下「最上鏡」、「最佳演繹」及「最完美體態」等多個獎項。自此成功喺model圈「跑出」，身上嘅星味漸濃。

2017年，盧慧敏進軍電視圈。成功加入ViuTV接拍了《瑪嘉烈與大衛系列前度》、《身後事務所》兩部電視劇。喺兩部劇集仲分別扮演廖碧兒少年版和演廖碧兒嘅女兒。亦因此盧慧敏獲得「翻版廖碧兒」稱謂，知名度大增。

2020年年底，盧慧敏拍攝《無限斜棟有限公司》並擔正做女主角而人氣急升，其後與偶像男團Mirror成員Ian陳卓賢戀愛更博得多日娛樂頭條。