Gin Lee與曾傲棐開展校園羽毛球巡迴賽 熱血激戰激起學生時代回憶
激烈競爭與趣味橫生比賽過程
為了爭取兩位歌手的校園演出，真光中學派出了羽毛球校隊成員參賽，希望能夠取得勝利。然而，當天使用的是特製的放大版羽毛球，使比賽增添了不少趣味。「琴日學校雖然派出羽毛球隊迎戰，有少少淆底。我即刻喺側邊練嚇波、攞嚇個感覺。因為我哋打呢個唔係一般嘅羽毛球，唔係咁簡單，哈哈，可能平時唔叻就會ok handle到，平時好叻嗰啲反而會俾你一個巨型嘅羽毛球同埋球拍耽誤咗，所以我哋就誤打誤撞險勝，贏咗少少。」Gin賽後分享。Arvin也透露自己事前有祕密練習，「前排有條癮想打嚇羽毛球，又真係約咗朋友出嚟打。就當係祕密練嚇兵啦。」
比賽中熱情與挑戰
比賽進行於午餐時間，儘管當天氣溫高達三十四度，但學生們仍在場外熱情為參賽者加油。Gin與Arvin均表示高溫並未影響他們的表現，Gin開玩笑說：「絕對冇！冇發揮就係最好嘅發揮。」Arvin則表示依靠隊友的支持，「當然下次有番冷氣，我嘅表現應該會出眾啲。」這次的校園比賽讓兩人回想起學生時代的熱血時光，Gin回憶自己在田徑隊及排球隊的日子，「都係烈日當空、冇怨言咁樣去訓練，所有嘅skills都係咁樣每一日用血汗換返嚟，好多呢啲好開心嘅回憶。」Arvin則回想起學校鐘聲一響便衝到籃球場的日子，「打到身水身汗又上返去課室晾番乾個人，成日都會因為咁樣攝親。嗰日完全有番嗰種青春揮灑汗水嘅感覺。」
未來計劃與期待
接下來，Gin與Arvin將繼續前往各學校挑戰，希望通過他們的出現為學生們加油打氣。「因為我覺得而家學生嘅壓力實在太大，所以我哋出少少綿力去幫佢哋打氣，呢個都好緊要。賽後感受就係下次我會記得搽防曬㗎啦唔該晒，哈哈。」Gin表示。Arvin則期待下次能有更好的表現，「點知冇錯真係好流，但係原來好流嘅係我。第一次玩都真係有啲手腳唔協調，但係唔緊要，我會返去偷偷地練習再返嚟復仇、一雪前恥㗎啦！同埋同學們嘅熱情、笑容真係好有感染力。」
