知我乜料喇！ERROR獲封「香港另類宇宙天團」！ 盤點4大人氣爆發原因
廣告
ViuTV搞笑組合ERROR拍攝的《ERROR自肥企画》》近日熱播，每集出街都笑爆咀，令人晚晚期待下一集節目。另外，ViuTV網站內的「最多人睇」的s頭5位，分別是《ERROR自肥企画》、《全民造星》、《花姐ERROR遊》、《花姐ERROR遊2》和《ERROR自救TV》，相當巴閉，究竟點解ERROR咁成功？不如一齊睇睇ERROR爆人氣4大原因！
撰文：Lmc丨圖片：ViuTV、ERROR@IG丨編輯：海月
原因1：冇偶像包袱
ERROR四子是《全民造星》第一輯參加者，肥仔更入到最後十強。雖然《全民造星》是選偶像，但四子組合成ERROR後，完全沒有偶像包袱，193更曾表示自己騎呢方面相當不錯。另外，《ERROR遊》系列中，四人都拋開偶像包袱，有時更會爆粗，流露真性情，十分難得。
原因2： ERROR無底線拍節目挑戰極限
有睇開《ERROR遊》的朋友都一定知道，Mike導總會設計癡線Item，食蟲、食屎、裸露、挑戰極限樣樣有。幕後又會明知ERROR的恐懼而刻意設計項目，成員也硬著頭皮參加，常常玩到喊玩到嘔。
原因3：夠真夠放
ERROR最吸引人的地方，一定是Sell Real，沒有一點假惺惺，嬲就嬲，驚就驚。而成員193更常常扮女人，非常夠放。肥仔也不介意露出的肥肉。ERROR更在一廣告中，當眾撕腳死皮，非常好笑。
原因4：香港好耐冇搞笑組合
2018年社會環境氣氛令大家增添壓力，加上2019年爆疫情，ERROR每次出場都令大家笑得開懷，忘記日常生活壓力。加上香港很耐沒有搞笑組合，非常入屋的ERROR當然受大家歡迎。
