前EO2成員Eddie北上發展被認錯 嘆冇人知佢真名
廣告
香港地有唔少明星都選擇北上發展，決定在內地再創第2個高峰。不過都唔係個個明星都發展的順順利利，眼見近期「唯唯」梁烈唯都淪落到要直播帶價吸金，就知內地發展的吸金能力已經冇以前咁好。
前EO2成員Eddie北上發展被認錯 嘆冇人知佢真名
香港聞名一時的組合EO2，當中為人熟識的成員Eddie彭廸安憑著標誌性的光頭，成功令人記住他。而近年他都決定轉戰內地，嘗試吓北上搵銀。他亦開返小組書、微博等等的內地社交媒體帳號分享日常，可見他都仲有啲劇拍吓，而頭髮依然選擇標誌性的光頭。
簡介自稱「撻沙哥」
在各個社交媒體帳號上，他都以「彭廸安，香港演員及歌手，前香港跳舞組合E02成員。電視劇《使徒行者》飾演撻沙哥」作簡介，睇嚟佢自己都知在內地人心目中，最為人熟悉的便是在《使徒行者》中出演撻沙哥一角而出名。
Fans數偏少
他不時都會在小紅書上分享自己的跳舞片段，無論是著古裝跳定著現代服飾跳。不過就算幾落力都好，Eddie在內地都難以收獲大量粉絲，在小紅書上僅有3千多的粉絲數，而影片平均的讚好數都不高，其中一影片為他與林峯合唱《越難越愛》，收獲500個like。
慘被誤認成大S老公具俊曄
不過最老尷的是，Eddie在北上發展之際，基本上冇網民識佢本名叫Eddie彭廸安，多數的網民都以「撻沙哥」去叫佢，另一個更尷尬的地方是唔少網民以為佢係大S老公具俊曄，仲留言嘲笑指：「原來具俊曄會說粵語？」。
圖片來源：IG，小紅書，MV截圖
