Edan@MIRROR後援會宣佈解散被爆5大罪！鬧「爵屎」做白卡涉及過百萬糾紛

繼MIRROR成員Alton後援會早前宣佈解散後，10月8日呂爵安Edan後援會突然宣佈解散重組。有自稱Edan後援會的總務部Leader「Kiwi」爆料，大揭後援會Admin的5大罪，不但經常鬧「爵屎」為白卡之外，又黑箱操作令「白卡名單」粉絲們不能抽中門票參加活動。其後有報導指，Admin仲涉及金錢糾紛！

edan mirror Edan Edan粉絲後援會昨日8日）宣佈解散 — Edan粉絲後援會昨日（8日）宣佈解散（圖片來源：IG@edanlui）

Edan@MIRROR後援會解散被爆5大罪

1）後援會Admin鬧「爵屎」係白卡

自稱Edan後援會總務部Leader的Kiwi貼出多張對話截圖，指後援會Admin經常稱呼唔聽話嘅「爵屎」為「白卡」：「邊個爵屎係谷或外面谷話過EFC，其實都會記落白卡名單。」Admin們不但會一同取笑與攻擊「白卡名單」的爵屎，有Admin誇張到放天燈時候寫埋「白卡去死」。

edan mirror Edan Admin都稱部分「爵屎」為白卡 — Admin都稱部分「爵屎」為白卡（圖片來源：TG截圖）

edan mirror Edan 只要唔聽話都會被列入「白卡名單」 — 只要唔聽話都會被列入「白卡名單」（圖片來源：TG截圖）

edan mirror Edan 放天燈都要寫「白卡去死」 — 放天燈都要寫「白卡去死」（圖片來源：TG截圖）

2）操控抽飛結果唔聽話會被Blacklist

Kiwi又大爆粉絲會的抽獎活動均是「黑箱操作」，凡是被記落「白卡名單」的粉絲們，都不會抽中演唱會門票：「捉捉下（白卡）應該冇人有得抽」、「發現啲白卡都幾好運，咁都有得抽中」、「抽中左都會起出黎或比西位佢」等。事後Kiwi逐一聯絡「白卡名單」中的粉絲們，證實他們的確從未抽中後援會的抽獎活動。

edan mirror Edan 操控投票結果。 — 操控投票結果。（圖片來源：TG截圖）

edan mirror Edan 被列入「白卡名單」的爵屎的確冇被抽中。 — 被列入「白卡名單」的爵屎的確冇被抽中。（圖片來源：TG截圖）

3）自肥拍Edan MV 鬧Edan為「豬隊友」

Edan後援會Admin早前被指自肥帶朋友齊齊拍Edan MV，事後更出現於Edan MV幕後花絮Vlog中，令事件曝光。當一班Admin發現自己出現喺Edan Vlog入面，就即刻在群組中鬧Edan為「豬隊友」，仲話：「醒少少當幫忙啊豬隊友」、「返工Vlog剪走我得唔得」、「大腦很讚，記得要用」等。

edan mirror Edan Admin被發現自肥去拍Edan MV — Admin被發現自肥去拍Edan MV（圖片來源：大會提供）

edan mirror Edan 被發現就發爛渣鬧Edan係「豬隊友」 — 被發現就發爛渣鬧Edan係「豬隊友」（圖片來源：TG截圖）

4）直言對Edan「唔太愛」

Kiwi又貼出截圖大爆Admin們直言對Edan「唔太愛」，又指自己本命並不是Edan，更表示要盡快脫粉，繼續追原本追開的韓國、泰國明星，睇到爵屎們又無言又眼火爆。

edan mirror Edan 直言對Edan「唔太愛」 — 直言對Edan「唔太愛」（圖片來源：TG截圖）

edan mirror Edan 仲話要放棄香港飯圈。 — 仲話要放棄香港飯圈。（圖片來源：TG截圖）

5）Admin曾私下怒斥其他應援站

Edan粉絲後援會一直是非多多，前年就已經一度被傳出Admin之一的「May」處事能力低，May更一度接受傳媒訪問為自己辯護。今次May又再次被翻出黑歷史，被指曾經私下發長文怒斥Edan Follow其他Edan應援站：「宜家Follow咗姐係點？比起嬲更多洗失望同心淡，覺得自己都可有可無。咁大個人自己識諗啦，路係自己揀。」

edan mirror Edan 睇嚟Admin May真係好嬲Edan Follow其他應援站。 — 睇嚟Admin May真係好嬲Edan Follow其他應援站。（圖片來源：網上圖片）

Edan後援會宣佈解散：在此向Edan致歉

爆料一傳出，一眾「爵屎們」都紛紛表達不滿，以hashtag「#adminleaders請解散」、「#adminleaders請向呂爵安及爵屎道歉」提出要求。昨晚（8日）Edan後援會終於在群組中宣佈會解散團隊，現正售賣的周邊產品都會停止發售並且進行退款，後援會所有餘下款項亦將以呂爵安的名義捐出，邀請有意接任者組成團隊接手。雖然在聲明文有對Edan致歉，但就沒有向其他爵屎們道歉。

edan mirror Edan Edan粉絲後援會宣佈解散！ — Edan粉絲後援會宣佈解散！（圖片來源：IG@edanlui_fansclub）

edan mirror Edan 因為後援會將TG Group禁止發言，所以Edan特登開IG Channel繼續同爵屎們講早晨。 — 因為後援會將TG Group禁止發言，所以Edan特登開IG Channel繼續同爵屎們講早晨。（圖片來源：IG@edanlui）

涉過百萬糾紛：未經會員就話捐資金

雖然現任Admin宣佈下台兼解散後援會，但爵屎們依然對後援會的安排感到不滿，不但狠批後援會Admin未有就「白卡」發言道歉之外，又指後援會的資金大部分為爵屎們的會員費，但卻在未經會員的同意下就宣佈捐資金，Fans Club付費會員有逾7000人，每人入會費388元，加上活動應援集資總額過百萬，2萬多名爵屎們準備為此報案。