拉闊音樂會︳Jeffrey魏浚笙被批唱跳都唔掂 呻:早幾個月準備難道要說出來
Jeffrey魏浚笙被批浪費表演機會
有Jeffrey的粉絲「咖啡豆」在社交平台發文表示:「作為咖啡豆,見到佢出場率咁高係超級開心嘅,但作為睇4人拉闊嘅觀眾,就會睇得出應該係無時間夾太多cross over..畀多左solo佢…似乎有少少唔夠時間排練」為偶像未能交出最好的表現,浪費了表演機會感到可惜。
對於被批浪費表演機會的Jeffrey就回應稱:「有時唔係唔想夾,係大家都比較擅長跳舞同想玩多啲跳舞,所以即使想盡力夾都夾唔得多,有心無力啊,我已經好努力盡join 埋跳舞㗎啦」又表示因為是人生第一次舞台,更緊張到抖唔到氣。
![edan jeffrey 有「咖啡豆」為Jeffrey未能交出最好的表現感到可惜。(圖片來源:Threads@jeffreyngai)](https://imgs.orientalsunday.hk/wp-content/uploads/2024/06/whatsapp-image-2024-06-24-at-13.48.07_486190509667908c905712.jpeg)
Jeffrey魏浚笙被狠批唱跳皆廢
不過Jeffrey對於被質疑因出席巴黎時裝周導致練習不足一事就大感不滿,更在社交平台發文稱:「Don’t judge a book by its cover .難道每次默默的練習 都要高調大聲宣布讓大家知道才算有練習嗎?早幾個月就開始作準備難道也要全部說出來」又推爆呻已經努力配合大家的要求:「每個人的要求我都努力配合遷就,要我怎麼做就怎麼做,最後出來的結果為甚麼會演變成這樣的導向 我只是一個熱愛唱歌的人」。
![edan jeffrey Jeffrey事後在社交平台發文大呻兼為自己澄清。(圖片來源:Threads@jeffreyngai)](https://imgs.orientalsunday.hk/wp-content/uploads/2024/06/whatsapp-image-2024-06-24-at-13.19.54_2488766366790a09f04ed.jpeg)
面對眾多批評,Jeffrey最終選擇公開道歉,但亦澄清了當中的誤會:「我對大家唔住,可能誤導咗大家。我只係見到有人提過幾句,我比較小(少)同大家有collab係因為去咗巴黎冇時間同大家夾而造成,但其實唔係事實,因為我私底下花咗好多心機時間提前去練去學,不過始終冇舞步底,好多時join唔到大家太多跳唱,搞到觀感上畀人咁樣嘅感覺,覺得有感而發而已,但其實琴晚嘅舞台係超開心又滿足!」亦獲林家謙、少爺占、彭秀慧以及同show的Jace等人安慰。
![edan jeffrey Jeffrey當晚與其他3位歌手合作的舞台大多數都係以唱歌為主,不過Jeffrey都坦言因為自己冇跳舞底,所以冇辦法參與到太多要跳舞嘅表演。(圖片來源:東方新地)](https://imgs.orientalsunday.hk/wp-content/uploads/2024/06/photo_2024-06-23_18-11-13_29426469066790cb83dc74.jpg)
網民唔收貨一面倒喪鬧
雖然有唔少fans都留言力撐Jeffrey,不過Jeffrey澄清的發文網民就唔收貨:「宜家呢代所謂歌手全部冇謙遜嘅態度,咁樂壇點會有進步?」、「無人想知你有無努力,大家只見到你表現差。」、「答下次努力就算啦 你咁講咪姐係比人覺得你搵藉口同冇天份」、「謙卑面對批評不可以嗎? 講咁多理由做乜?」、「眼神死咕咕,跳舞硬弸弸,接受唔到批評,一唔開心就要咁多人氹番?」
![edan jeffrey Jeffrey的澄清網民就唔收貨,更紛紛喪鬧Jeffrey完全唔受的批評。(圖片來源:東方新地)](https://imgs.orientalsunday.hk/wp-content/uploads/2024/06/photo_2024-06-23_18-13-11_17556325266790eee568fc.jpg)