網民理性分析3大點林明禎「應否受媾」升級鏡嫂激讚Edan package好過富二代
網民列3大點理性分析林明禎「應否受媾」:
有網民在社交平台發文,問道「唔諗edan,諗下林明禎,你係林明禎,34歲,你會唔會揀edan??!」惹來大批網民留言討論。有網民就以理性角度出發,列出3大點為林明禎分析:
![呂爵安 (圖片來源:網民留言截圖)](https://imgs.orientalsunday.hk/wp-content/uploads/2024/09/kakaotalk_20240911_152555323_05_81256208666e148716a7fb-1024x648.jpg)
1)潛力無限 可組CP獲更多工作機會
網民年輕人潛力無限,無論Edan還是林明禎的身價還是號召力都極高,假如兩人在一起,絕對可以組成CP獲得更多工作機會。有網民認為另一大馬女神Miko Wong,路線和形象都與林明禎相似,近年頻頻到港搶Job,網民認為林明禎可以借今次機會,「變身鏡嫂定位叫價再升級」。
![呂爵安 網民認為二人如果在一起,可以以CP身份借更多工作。(圖片來源:IG@edanlui、IG@minchen333)](https://imgs.orientalsunday.hk/wp-content/uploads/2024/09/0911-edan_146160736866e143ff9b48a.png)
2)「Edan個package好過富二代」
網民認為Edan的「Package」比富二代、上流人士、或者揸靚車嘅193還要好:「193都買得起一架法拉利,更何況Edan。平時都唔多聽到Edan有咩燒錢愛好興趣(例如買玩具、炒天價卡)。而家時代唔同咗啦,揀闊少富二代同企業老闆先叫蠢(隨時貪字得個貧,仲惹禍上身)揀肯博肯捱實幹年輕人隨時身家更多」。
![呂爵安 網民認為Edan夠勤力又唔奢侈。(圖片來源:IG@edanlui)](https://imgs.orientalsunday.hk/wp-content/uploads/2024/09/image-3987348_152833694266e142ebb8efc-819x1024.jpg)
3)有香港男友有利定居香港
林明禎近年在香港走紅,為了方便工作,已經在香港租屋定居香港。網民認為林明禎一個女仔定居香港好寂寞,有香港男友陪伴都是一件好事:「再講明禎來港定居,有個香港男友點都安全同方便啲,Job都易接啲、接多啲啦。」
![呂爵安 林明禎近年定居香港。(圖片來源:IG@minchen333)](https://imgs.orientalsunday.hk/wp-content/uploads/2024/09/image-5503169_203738630966e142ee058f6-1024x683.jpg)
有網民認為太低估林明禎
不過亦有網民認為以上分析太低估林明禎,認為林明禎本身在港台新馬等地方知名度都極高,根本不需要靠Edan上位:「東南亞市場明楨都識,咁你話邊個醒」「發覺好多香港人都係高估咗Edan同時低估咗林明禎,可能因為大部份人根本唔熟林小姐,只係對Edan熟少少就當正自己好了解佢、亦好了解林小姐。剩係「Edan好高招、林明禎無理由唔識揀」都已經暴露咗「香港男團成員,點都高級過大馬女藝人」呢種莫名嘅優越感」「林明禎咁嘅質素要搵老細一早搵到啦,你會唔會睇少咗佢?」「可能係明禎曾經遇過渣男咋,唔係呂生招數勁」等。