Untitled

Edan被狂問點睇林明禎出甜蜜新歌

Edan與一班MIRROR兄弟齊齊接受傳媒訪問時，不斷被問到有關緋聞女友林明禎的問題。一開始Edan都口密密表示不會再回應有關林明禎的問題，又指希望大眾會給予更多空間。記者仍狂問有關林明禎最近推出新歌一事，Edan就即刻咋傻扮懵笑指唔知對方已經推出新歌，不過就清楚知道林明禎新歌歌名《On Cloud Nine》的意思！

回應家英哥爆笑贈言 獲睇好Edan新戀情

家英哥早前出席活動被問到對Edan追求林明禎一事有何想法，家英哥一開波就話Edan沒有主動同自己講一開始有感到不高興，但Edan已經大個仔，加上會追大馬女生咁有眼光，自己都好開心。當被問到有冇追女仔心得給Edan時，家英哥就搞笑地回應道：「追女仔心得就冇喇，因為我都係一個好失敗嘅人，因為如果我係成功嘅話，我一早結婚，有兒有女喇，唔洗等到62歲先結婚啦。追到（汪明荃）又係唔係一個痛苦嘅回憶呢，你哋知唔知啊。」

Edan今日出席活動時，亦有回應到家英哥的爆笑贈言，Edan表示多謝家英哥睇好自己，又會在活動結束後致電家英哥，仲話會向家英哥學嘢。

林明禎新歌歌名On Cloud Nine別有玄機？！

林明禎相隔5年再推Solo新歌《On Cloud Nine》，宣傳照已性感出擊，穿著吊帶小背心加上超短褲，大膽露半股！不過更令網民關注的，竟然係歌名，有網民笑指：「雲跟九交換就」、「個歌名…係邊個改」、「九宵雲外 on cloud nine ？」、「On 雲 9」等，紛紛猜測這個歌名的意思。

On Cloud Nine 中文意思是什麼？翻譯例句引人遐想

翻查「On Cloud Nine」原來是一句英文慣用語，有「非常高興」的意思，有傳媒解釋時曾以求婚成功作為例子，舉例指：

「When he finally proposed to her, she was on cloud nine. 當他終於向她求婚時，她高興得不得了。」

引來網民無限遐想。