網民搞COLLAR乞人憎排行榜列舉女團問題！

人氣女團COLLAR成員包括Marf（邱彥筒）、Gao（沈貞巧）、Day（許軼）、Ivy So（蘇雅琳）、So Ching（蘇芷晴）、李芯駖、WINKA（陳泳伽）及Candy（王家晴）出道不足5個月，已先後推出3首團歌，以及成為廣告客戶嘅新寵兒。呢8位出身自《全民造星IV》嘅成員，從素人搖身變成活在鎂光燈下嘅焦點，一舉一動亦備受各界關注。由於成員們嘅背景、年齡、才能都不均等，所以外界評分亦好壞參半。近日就有網民以COLLAR乞人憎排行榜為名，係8位成員中列舉不受歡迎原因並作出排名，惹起討論。

人氣女團COLLAR出道不足5個月，已先後推出3首團歌，以及成為廣告客戶嘅新寵兒。（圖片來源：[email protected]）

當初民選入團，Gao同Marf位居乞人憎榜首

網民指第1名應該係Gao（沈貞巧），認為佢未夠靚女，外形亦不討好，實力未夠班以及不能勝任隊長一職，更形容Gao做隊長就如曼聯搵麥佳亞做隊長一樣，未如理想。而民選冠軍Marf竟然亦排第2名，網民指Marf本來極具人氣，可惜出道後遲到、不敬業、不合群等負面新聞傳出後人氣及驟然下降，加上Marf忙住接拍廣告，欠缺其他曝光點，觀眾緣亦隨之減弱。

collar Gao位於COLLAR乞人憎榜首。 — Gao位於COLLAR乞人憎榜首。（圖片來源：LIHKG討論區）

collar 民選冠軍Marf竟然亦排第2名。 — 民選冠軍Marf竟然亦排第2名。（圖片來源：LIHKG討論區）

第8名因為無Noise無名？

之後嘅排名：第3名李芯駖、第4名So Ching（蘇芷晴），網民形容二人未夠亮眼，但一個低調做事，一個識做人處事，表現不過不失。而Ivy So（蘇雅琳）、Candy（王家晴）以及表現穩定極具觀眾緣嘅Day（許軼）則位居第5、6、7名，網民形容三行屬於「躺平組」自然有fans護航，而第8名Winka（陳泳伽）就被網民以「唱歌果個」形容，指Winka進團只為湊人數，起「做個假像COLLAR有人識唱歌」嘅作用。

collar 第3名是李芯駖、第4名So Ching蘇芷晴）。 — 第3名是李芯駖、第4名So Ching（蘇芷晴）。（圖片來源：LIHKG討論區）

collar 而Ivy So蘇雅琳）、Candy王家晴）以及Day許軼）則位居第5、6、7名，而第8名是Winka。陳泳伽） — 而Ivy So（蘇雅琳）、Candy（王家晴）以及Day（許軼）則位居第5、6、7名，而第8名是Winka。（陳泳伽）（圖片來源：LIHKG討論區）

collar 網民為Winka變無名氏不值。 — 網民為Winka變無名氏不值。（圖片來源：LIHKG討論區）

網民各有所愛，Gao造型最惹熱議

對於呢個排行榜，有部分網民表示認同，但亦有不少網民發表不同意見，每位團員均有支持者湧現，可見鹹魚青菜各有所愛。但隊長Gao反而因為造型問題最受爭議，網民指Gao嘅造型尤其髮型實在十分出事，令佢睇上去更加减分，明明出道前及比賽時嘅造型更亮眼。更指團隊形象指導大整蠱，令團員出道後無曬特色。亦有網民指經理人Wing組團選角時失識，唔識揀人！