COLLAR出道至今好事多磨 粉絲擔心女團前途凍過水：驚好似Cookies變餅碎
COLLAR︳粉絲擔心退團影響COLLAR士氣
COLLAR七成員，隊長沈貞巧（Gao）擔任、王家晴（Candy）、許軼（Day）、蘇雅琳（Ivy）、邱彥筒（Marf）、李芯駖（芯駖）及陳泳伽（Winka）。由出道至今遇上不少大事，都是不利她們發展，粉絲擔心COLLAR能否再走下去。有網民在討論區出post討論COLLAR前景，引起激烈討論。有網民指COLLAR「靜英英，以為拆夥」、「而家好似原地踏步」、「上年好多廣告，今年好似靜晒」、「啲廣告去晒Lolly Talk度」、「蘇晴唱得又跳得，但退咗團」。
COLLAR︳命運有人留低有人走？
有網民分析指，「Ivy、芯駖去拍劇、Candy返去讀書、Winka主力唱歌、Marf 做跳唱歌手，Gao去跳locking，Day最似女團成員，可以返去Lolly Talk」。有網民表示認同，並直指芯駖37歲令COLLAR定位受限制，「芯駖令女團限死咗，無得賣青春」。
COLLAR︳Winka把口唔收影響女團形象
有不少網民指COLLAR今年重新出發，但卻被多口的Winka拖累，「Winka唱歌好，但成日亂講嘢」、「每日都由0出發」、「保持pre出發」、「Winka初時幾討好，又唱得，點知一比佢唱solo就出事，日日講前度，講足幾個月，最近仲講緊，仲唔認自己口多」、「搞衰埋成團嘅感覺」、「佢本身談吐能力/性格容易令團隊招惹是非，拖累團隊形象」
COLLAR︳ViuTV唔識捧女團
有更多網民指公司唔識捧人，「Viu有一手好牌打成爛牌」、「經理人唔知去咗邊？COLLAR定位一向有問題，安排交代退團，經理人又推晒班女出嚟，成件事好影響女團形像，佢哋又唔係好識講嘢，拖佢哋出嚟死咁」、「Winka亂講嘢，經理人又唔教育下佢」
COLLAR︳網民支持到底：7個女仔各有特式，食晒成個市場
不過有不少網民撐COLLAR到底，逐一為以上負評反擊，「Lolly Talk都唔係全部妹豬㗎，相信COLLAR㨂人時，有諗過年紀差距，每個女仔各有特式，食晒成個市場都啱呀」、「Marf首solo好出喎，將會逐個有solo歌，好似MIRROR咁，每人發展唔同，長處唔同」、「MIRROR點行，COLLAR咪點行囉，各自做下嘢，然後又合體出歌，拍戲，拍劇，團體係咁架喎，一定可以繼續行落去」、「睇佢哋IG其實個個默默做緊嘢，係啲嘢未出街啫」、「我覺得SoChing退團後，個七個好似仲更加珍惜大家咁，反而多份團魂」、「唔好成日話芯駖拉高年齡，佢好有味道，我係女人都鍾意佢，同埋佢主持節目都幾好」、「Ivy So唔係得個樣，做到戲，Day同Candy有觀眾緣、Marf就唔使講已經可以獨當一面、Winka真性性又唱得、Gao做主持幾好、芯駖其實有好多可能性，啱啱出道撞正疫情，比啲時間佢哋啦，睇好香港女團COLLAR」。
