Coffee老公被指搵唔到錢！Coffee霸氣回應：我幸福到不得了！ 網友力撐：佢可以自食其力

撰文：Lmc｜圖片：Coffee＠IG｜編輯：海月

Coffee老公被指搵唔到錢！Coffee霸氣回應：我幸福到不得了！ 網友力撐：佢可以自食其力

31歲的Coffee成為人氣Youtuber，坐擁過百萬訂閱Youtube，事業發展順利，又有一個十分愛錫她的老公和一個可愛的兒子伯伯，人生也算十分完滿。最近Coffee貼出工作期間和兒子的合照，留言講到：「藍藍天空下，一邊擁抱工作，一邊擁抱兒子。」相中見到擁抱著兒子的Coffee一臉幸福。

不過有網友就在該帖文留言：「袋鼠佬（Coffee老公）咁窮，savannah 都買唔起，女人最怕嫁錯郎。」Coffee不但沒有生氣，反而力撐老公，霸氣回覆該留言。

Coffee提到：「係呀，我同佢一齊同佢結婚，雖然佢唔係香港人無車無樓。但係佢愛我呀，又有穩定職業，唔駛我擔心。我同佢一齊日日只有開心笑，從來無傷心過。同埋愛大過一切呀，我有手有腳鐘意自己賺錢自己洗，而家男女平等，都證明我唔係鐘（鍾）意靠男人既（嘅）女人。同埋原來嫁個有錢人就係幸福？嫁俾（畀）錢同嫁俾愛情，我選擇愛情因為我有能力自己買麵包，重點我而家幸福到不得了。」又提醒該網友，不要刪除留言。

其他網友也認為該留言十分Mean兼涼薄，紛紛留言力撐Coffee，有人表示：「靠老公又俾人話拜金，貪錢，真係好難滿足晒全世界」。另一網友又指Coffee：「你代言廣告，瑜伽服同瑜伽班嘅收入，約數已計到年薪百萬！要異想天開咁搵一個年薪幾百萬，又同彥爸一樣愛你嘅人？唔係冇，機會微 lor ! 衣家自食其力可以自己話事，有乜唔好？」

Coffee其實今次已非第一次霸氣反擊網友，早前她被網友批評賣弄色情，Coffee一笑置之，更Po出性感照，留言：「本小姐愛露就大大方方的露出來，又不是甚麼羞恥的事！」相當有態度。