Coffee林芊妤同老公表現高難度雙人瑜伽動作
Coffee林芊妤同老公表現高難度雙人瑜伽動作
Coffee林芊妤由明星轉換跑道，成為一名瑜伽導師以及親子界KOL，不時都會上傳一家人幸福的生活。除此之外，她亦都會不時上傳關於自己做瑜伽的片段。早前因為被網民批評佢著瑜伽褲行山，被怒轟：「拜山都著瑜伽衫」、「佢個個性就係咁，喜歡人睇，驚死人唔認得佢呀嘛」，亦有網民揶揄「仙人都會睇得好開心」、「死人要睇，生人都要睇」。
早前反擊網民批評著瑜伽褲行山
之後Coffee不甘被鬧，決心企出嚟反擊：「咁我想問著運動衫係有乜嘢問題？總好過我著到登台咁去拜山啦係咪？同埋我之後都係去郊外風箏場野餐同放風箏，全日都係運動日」、「我唔著瑜伽褲，唔通我著條裙去會合理啲？」，成功獲得網民力撐，更發起著30日瑜伽褲的挑戰，誓為女性穿衣自由抱打不平！
雙人瑜伽難度系數5星星
今日（3日），Coffee上傳一組與老公做雙人瑜伽的照片，當中Coffee都表現出各種高難度動作，仲用動作去還原《獅子王》中狒狒舉起辛巴的場景。而另一張則是高難度下半身向後彎再錫錫，難度系數5星。Coffee都在caption寫道：「上星期，我跟老公說覺得自己需要休息一下。然後剛好第二天，他外國公幹回來後告訴我「他中了….」。幸好前一晚彥彥和姐姐都不在家，所以叫他們留在家人住所暫時別回來，而我就在家裏照顧老公。這星期當然是十分想念兒子啦，還經常發夢夢見他。但回想起這四年來的日子，也沒有跟老公二人獨處那麼長的時間，而這星期的24小時相處，令我又更肯定他是我想要走到最後的人，我們的相處也太自在了。無論發生什麼事，感覺有他在身邊也是快樂的。」。兩公婆用高難度動作曬恩愛！
網民大讚兩公婆勁恩愛！
網民都紛紛大讚Coffee同老公的恩愛「找到一個讓你自在的身邊人不容易，你好幸福喔」、「我睇呢個post睇到眼濕濕，因為覺得你哋好有愛，雙方仲要毫無保留表現出來，等對方完全感受到」、「好 sweet 好閃呀喂」。
Coffee瑜伽褲事件詳情？
Coffee近日上傳一系列去拜山的照片，而由於氣溫過高，Coffee穿著輕便的運動裝以及…詳情請看
Coffee如何出聲反擊網民？
Coffee對於一眾抨擊都忍唔住出聲反擊，她解釋當日由柴灣行到山頂凌霄閣，都係做緊運動，仲行到身水身汗，她反問網民…詳情請看
