00後最愛Byejack不被欣賞？網民力數3大點
廣告
近日，華納唱片豪擲二百萬，為八位年輕歌手推出「Future is Now」企劃，展示生活態度和呈現每位歌手的個人魅力。當中，擁有獨特個性的Byejack備受網民關注，甚至部分人不解Byejack的風格。
00後最愛Byejack新歌惹負評
23歲的Byejack是香港創作歌手、監製和填詞人，一手包辦「曲詞監」的工作。他原本是一位beatboxer，並持續在網上發表自己的作品，大受新一代的喜愛，特別係00後。其後，Byejack被華納唱片公司發掘，並簽約成為合約歌手。
《日出的缺口》：唱緊乜x
近日，Byejack推出新歌《日出的缺口》，華納ig一出post宣傳即被一眾網民質疑，不少網民留言批評Byejack樣貌和歌藝不達標，甚至懷疑華納簽歌手品味，直言「華納簽埋啲垃圾想點」。
網民力數3宗罪
1咬字不清
不少網民指出Byejack咬字不清「唔開字幕一個字都聽唔到」、「冇一個咬字係清楚，完全聽唔到唱乜x」。
2捲舌音重
亦有網民指Byejack捲舌音很重，「唱緊咩語言？好多捲舌」、「係咪唱緊韓文」、「Spotify聽唔對路以為泰文歌」、「一開頭心以為佢係想唱法文」、「有冇人知佢唱緊咩語言」、「隊個喇叭埋耳仔都唔知佢唱緊咩語言」。不少網民聽Byejack的作品時，誤以為正在聽外國歌曲。
3全喉音唱歌
有網民指出Byejack用喉音發聲，以致聽不清發音，「全喉音，鍾意明咩叫鬼食泥咁聲」、「真係完全唔知唱乜」、「豬咀音係咪廣東話新趨勢」、「佢tune到乜x都聽唔清楚」。
有網民力撐：老嘢唔識欣賞新興風格！
不過，有網民力撐Byejack解釋指他的歌唱風格是autotune，指其作品是autotune的特色，並大讚他的作品「真係好好聽，好鍾意你既歌」、「好emo，好有mood」、「我只可以講係完美」。有網民則感歎不懂得欣賞00後的品味，「我真係好老」。
