BTS休團問題 韓擬修法縮短藝人當兵時長
廣告
有「世界彈」之稱嘅韓國天團BTS(防彈少年團)日前突然宣布以單飛不解散嘅形式活動,令粉絲認為BTS為日後當兵作準備,亦都將爭議不斷嘅韓國藝人當兵話題浮上檯面。「兵役」話題唔單止喺受K-POP風潮影響嘅國家掀起熱烈討論,連韓國國會亦打算修改兵役法,令部分演藝人員嘅役期縮短。
![BTS 有「世界彈」之稱嘅韓國天團BTS防彈少年團)日前突然宣布以單飛不解散嘅形式活動,令粉絲認為BTS為日後當兵作準備,亦都將爭議不斷嘅韓國藝人當兵話題浮上檯面。](https://imgs.nmplus.hk/wp-content/uploads/2022/07/-2022-07-06-11.44.59_173087079062c5053eafab5.png)
BTS兵役一直延後
2019年南韓修法,喺全球具有知名度嘅流行歌手可以延後至30歲先入伍進行2年兵役,而BTS年紀最大嘅29歲成員Jin因此一直延後入伍,不過依家面臨30歲強制性從軍嘅現實就意味住會喺螢光幕前消失2年,對於K-POP歌手嚟講消失2年係對職業生涯有非常嚴重嘅影響,加上國會對修例一直未有決定,所以成為BTS暫停團體活動嘅主要原因。
![BTS](https://imgs.nmplus.hk/wp-content/uploads/2022/07/-2022-07-06-11.46.15_176990040062c5058bc3093.png)
國會修例縮短兵役期 民眾普遍支持
根據外媒報導,國會就藝人當兵問題有意將2年嘅服兵期縮短至3個月,而韓國國防部就警告,對流行藝人兵役減免時要謹慎思考公平性嘅問題。不過根據一份蓋洛普民調顯示,有近6成嘅韓國人支持具全球影響力嘅K-POP藝人唔需要完整服兵役,只有3成3人反對,國會成員尹相現亦表示BTS通過「軟實力」令韓國文化風靡全球「BTS做到了超過1000名外交官才做得到的事。」可見全球對韓流魅力嘅崇拜都似乎說服咗韓國人。
![BTS 國會成員尹相現亦表示BTS通過「軟實力」令韓國文化風靡全球「BTS做到了超過1000名外交官才做得到的事。」可見全球對韓流魅力嘅崇拜都似乎說服咗韓國人。](https://imgs.nmplus.hk/wp-content/uploads/2022/07/-2022-07-06-11.53.15_131062786462c5072ee2761-1024x430.png)
圖片來源:IG@jin, [email protected],