AGA江海迦深圳站個唱爆滿，與好友Alex林德信重現經典合唱

好友Alex林德信擔任嘉賓

AGA邀請了與她相識超過10年的好友Alex林德信作為特別嘉賓。兩人在舞臺上合唱了經典英文金曲《How Deep Is Your Love》，並分享了彼此相識的趣事。「大家有所不知，其實我曾經都係一位Rock Girl嚟。幻想唔到係咪？我見到大家腦海好多問號！我入行前玩第一隊Band嘅原因，就係因為Alex拉我入去，所以渡過咗一段用搖滾音樂表演嘅時間。Alex亦畀咗好多鼓勵我，令我鼓起勇氣踏出創作嘅道路。Alex係我音樂事業中好重要嘅一個人，所以好多謝你，好開心可以喺今場邀請到你做嘉賓。」

林德信分享相識經過

林德信補充說：「補充嚇佢講嘅故仔，有一晚我喺Music Bar同朋友Jam緊音樂，嗰間Bar好正，所有人都可以隨意上舞臺一齊玩。當我喺度唱歌嘅同時，突然之間聽到後面有個唔識嘅女仔彈住琴唱歌。然後我擰轉頭，見到『咦，靚女嚟㗎喎！』我就係咁認識咗AGA，然後我哋好快組咗隊Band。」AGA亦透露，她曾經是Alex第一首歌的MV女配角，並開玩笑地要樂迷不要找來重溫。

AGA推出新歌《DRUNK DIAL》

AGA在深圳站首次公開演出了她的新歌《DRUNK DIAL》。「首先要介紹一下，我將會推出一張全新專輯。呢首歌係我七年前寫起，故事啟發自一位朋友，講述關於飲醉酒後打畀朋友㗎，而我每一次都會阻止佢。就係因為呢個原因，所以我寫咗呢首歌，展開呢個新碟計劃。好開心可以喺呢度同大家分享新碟嘅第一首作品《DRUNK DIAL》！」由於現場反應熱烈，AGA感激樂迷無懼風雨入場支持，並為大家送上兩次encore，演唱了《Wonderful U》及《See You Next Time》，為演唱會畫上完美句號。