AGA江海迦宣布紅館開騷兩年兩度取消個唱被封「樂壇丁蟹」

AGA江海迦2020年宣布首登紅館舞台，卻因香港首波大爆發，宣布延至2022年初，相隔兩年卻又遇上爆發第五波，由延期變無期。AGA去年中迷失又失望之下，出走半年「療傷」，回來重新出發。昨日宣布重啟演唱會，將於8月舉行兩場處女紅館個唱，不過網民卻憂心香港會再有大事發生，在網上引起激烈討論。

AGA 2020年AGA叱咤力壓謝安琪，奪女歌手金獎，同年宣布舉行處女紅館演唱會。 — 2020年AGA叱咤力壓謝安琪，奪女歌手金獎，同年宣布舉行處女紅館演唱會。（圖片來源：IG＠agaseen）

AGA 2020年個唱延期兩年，2022年初舉行，可惜最後被迫再取消，延期變無期！ — 2020年個唱延期兩年，2022年初舉行，可惜最後被迫再取消，延期變無期！（圖片來源：IG＠agaseen）

AGA江海迦出道十年終開得成紅館演唱會？！

AGA於2013年以創作歌手出道，成為當屆的叱咤生力軍金獎得主，2020年奪得叱咤樂壇女歌手金獎及叱咤樂壇唱作人金獎，同年宣布舉行首個紅館個唱，可惜遇上疫情，兩年內兩度取消，跟環球約滿還未完成紅館之約，最後去年與環球續約後，AGA獨自出走半年，早前宣傳新歌時，被問到紅館演唱會何時舉行，AGA坦言不敢多說，怕再一次「小氣」。

AGA AGA今年8月開紅館個唱，影第三次海報，每次不同造型概念，希望今次成功登紅館！ — AGA今年8月開紅館個唱，影第三次海報，每次不同造型概念，希望今次成功登紅館！（圖片來源：IG＠agaseen）

網民：又有大事發生？香港人要有心理準備

AGA昨日宣布8月紅館舉行演唱會，由於每次都遇上「大事」被迫延期或取消，令網民大為擔心香港再有大事發生。網民留言：「疫情指標AGA，係咪指第六波嚟緊呀？」、「樂壇秋官」、「唔係第六波，都打大風，八月係颱風季節」、「會唔會今次黑雨足兩日㗎？」「好彩未掉啲口罩咋，大家做足準備呀，入物資啦」、「會唔會今次係佢自己中招？」、「海迦效應，非同小可」、「第一二都有買飛，今次真係唔敢買，驚咗」。

AGA AGA積極準戰！ — AGA積極準戰！（圖片來源：IG＠agaseen）

AGA AGA去年心灰下出走半年，到了廿多個城市，同時作了多首歌曲，今年已推出兩首新歌！ — AGA去年心灰下出走半年，到了廿多個城市，同時作了多首歌曲，今年已推出兩首新歌！（圖片來源：IG＠agaseen）

網民：環球高層Duncan一走就開得成！

亦有網民指黑仔並非AGA本人，「就係因為開唔成搞到要同環球續約，如果唔係好似Gin Lee咁走人啦，真係慘為個紅館夢同呢間公司續約」、「係Duncan黑仔啫，佢一走，AGA就開得成」、「希望佢開得成啦，當年最紅時開唔到，依家聲勢下滑先開」、「希望佢到時打開個口唱歌，唔好含住舊飯唱啦」。亦有網民獻計：「其實佢咁黑仔，應該開騷前一個星期先賣飛，依家仲有兩個月，大家都有排驚」。