Angelababy舊照再被翻出 網民大讚：佢後生真係無敵！

Angelababy舊照再被翻出 網民大讚：佢後生真係無敵！

現年34歲的Angelababy，近年在內地發展得有聲有色。雖然其演技一直以來都備受爭議，又傳出與黃曉明離婚後其工作量大減。但她憑著姣好的樣子，同樣受到外界關注。曾入選過亞太區百大美女前三位，保養得宜亦令到佢到目前仍有著相當不錯的顏值。

Angelababy舊照被吹奏

近日就有網民以「AngelaBaby後生真係無敵樣」為題在討論區開post，當中更以超誇張字眼吹奏寫下：「真係完全無敵無死角，冇人完美得過佢」。而該post都引起網民廣泛討論，當中有讚有彈。有網民就再次翻出Angelababy疑似未「容貌升級」前的照片，就指其實幾靚都係要歸功於「神醫」。

09年被封「全盛時期」

不過亦有網民翻出Angelababy的舊照，直指2009年的baby是「全盛時期」，直言：「矮仔多情個陣最top」、「佢最靚係美女廚房個look」、「美女廚房個期簡直屈機」。當時Angelababy出演《美女廚房2》第一集以及電影《矮仔多情》於同年6月上映。

日系Style最煞食？

不過睇返過往Angelababy的風格及妝容，當年她都偏向於日系風格，而且粉底亦特意沒有選擇偏白，打造出一種澀谷系美女的感覺；不過近年Baby雖然相貌上沒有太大分別，不過其妝容及風格都更偏向歐美，甚至是內地的「網紅妝」，令其個人風格都沒有過往如此強烈。

睇埋片！