2020香港小姐選舉又翻生？！馮盈盈、何依婷傳授入圍秘訣 轉玩網上面試 即日接受報名｜頭號粉絲

流行娛樂
新Monday編輯部

廣告

2020香港小姐早前因受新冠肺炎影響，無綫曾對外宣布今年的香港小姐選舉將會停辦，大家對於無得睇首輪選舉感到可惜時，今日TVB下午竟突然開記招，並改口表示轉在網上面試，仲大搞咁話會接受全球年屆17-27歲的美女報名，高層余詠珊亦透露決賽將會如往年一樣如常舉行。

撰文：東方新地｜編輯：八卦妹（原文刊於：東方新地）

司儀陸浩明和麥美恩以絕世筍工，來介紹港姐呢份工，當講到可以彈性上班時間及彈性放假，台下一班前港姐中傳來陣陣笑聲。
司儀陸浩明和麥美恩以絕世筍工，來介紹港姐呢份工，當講到「可以彈性上班時間」及「彈性放假」，台下一班前港姐中傳來陣陣笑聲。

港姐視像面試馮盈盈、何依婷傳授搶fo秘笈

2020港姐選舉記招今日下午舉行，先由主持麥美恩和陸浩明以標榜筍工去介紹參選港姐，大讚「港姐」呢份工係絕世筍工，既可彈性上班時間、可以環遊世界、可以識好多人、年薪千萬等，講完一大輪，終於講出所謂新玩法，陸浩明話：「今年會以網上形式面試，無論你係多倫多定肯亞，都可以透過視像面試，只要你係17-27歲，就可以劃破地域界限，大家由呢刻開始接受網上面試，截止時間係6月21日。」

何依婷以空姐look出現以介紹她參選前是一名空姐：「拍劇我演過一次空姐，劇度我最後都冇做空姐，去咗做KOL，所以咩都有可能咩都會發生㗎﹗」
何依婷以空姐look出現以介紹她參選前是一名空姐：「拍劇我演過一次空姐，劇度我最後都冇做空姐，去咗做KOL，所以咩都有可能咩都會發生㗎﹗」
馮盈盈話當年自己剛大學畢業，最後當選港姐冠軍：「我係以港姐身份返去學校行畢業禮㗎﹗應屆大學畢業生唔好錯過呢個人生一個特別嘅機會呀﹗」
馮盈盈話當年自己剛大學畢業，最後當選港姐冠軍：「我係以港姐身份返去學校行畢業禮㗎﹗應屆大學畢業生唔好錯過呢個人生一個特別嘅機會呀﹗」
劉佩玥話七年前參選港姐，呢七年人生經歷好多，發生好多意想不到的事，佢畀大家面試貼士：「喺網上面試心理壓力唔使咁大，可以盡情做自己，自然啲，放膽啲去做。」講咗等如無講。
劉佩玥話七年前參選港姐，呢七年人生經歷好多，發生好多意想不到的事，佢畀大家面試貼士：「喺網上面試心理壓力唔使咁大，可以盡情做自己，自然啲，放膽啲去做。」講咗等如無講。

港姐面試馮盈盈教路：講乜都講一半

然後請出一班前港姐畀大家面試貼士，出席包括有何依婷、鄧卓殷、馮盈盈、劉佩玥、黃嘉雯、王菲、胡佩玲等，何依婷教大家唔好用美顏app及太濃妝，而鄧卓殷就話：「要諗點喺個框框度令人眼前一亮，自我介紹嗰時可以加啲才藝rap住介紹。馮盈盈就話要保持神秘感：「要等評判對你有興趣，乜都講一半，等入咗圍再講埋下半，畀佢哋知你識玩網上平台，因為呢個係大趨勢。」

2020港姐選舉玩網上面試 疫情停辦又翻生

陳曉華話畀大家嘅貼士係：「可以試吓做住呼拉圈面試，最緊要執好間房，同埋可以重放隻狗仔行過好似好有愛心咁。」
陳曉華話畀大家嘅貼士係：「可以試吓做住呼拉圈面試，最緊要執好間房，同埋可以重放隻狗仔行過好似好有愛心咁。」
去年港姐冠軍黃嘉雯話參選港姐係：「好多人的夢想，好特別的經驗。」
去年港姐冠軍黃嘉雯話參選港姐係：「好多人的夢想，好特別的經驗。」

4月初由宣布停辦，兩個星期後由停辦改口又復辦，仲話以網上真人騷形式，又話只會喺big big channel播出，會成為首位網上平台誕生的港姐咁話，點知今日記招上，無綫非戲劇製作總經理余詠珊：「條件始終係最重要靚，網上網下同樣精采，會有新環節出現，相信參加者會幾辛苦，但著靚衫然後有個好大舞台的final都一定會發生。」即係只不過係面試改為網上進行，其他並無新意，其他一切照舊﹗

最高人氣 TOP 5