有佳麗初戀竟然係吳尊？！2018香港小姐20位佳麗上《後生仔傾吓偈》公開感情狀況

撰文：Cherry@Central｜圖片來源：《後生仔傾吓偈》節目截圖

香港小姐20位佳麗上《後生仔傾吓偈》報感情狀況

在8月13日播出的《後生仔傾吓偈》，請來20位佳麗分享自己的感情狀況，一開始，麥明詩講解A（Available）、O（Occupied）及U（Urgent），見幾位佳麗都搖頭表示不知道「U」是指甚麼，麥明詩就再解釋道是同時間和幾個人搞曖昧，不過正確意思應該為急需伴侶！而「六號」更搞笑地表示還有「F」，即指Finding或Finding a funny guy！

1號.蘭倚婷：A2（IG：gracelanyiting）

2號.庄嘉慧：O1（IG：chongkawai）

庄嘉慧（Kathy）和現時的初戀男朋友是大學同學，不過大家的關係是最近才開始，而且更是牙醫診所偶遇重逢，很浪漫啊！

3號.梁致欣：O2（IG：jennypalette）

4號.鄧美欣：O1（IG：venustmy_）

同樣是初戀的鄧美欣（Venus），一開口就指男朋友好sweet，穩定地拍了三年，不單止支持佢選港姐，不時會傳msg為佢打氣！

5號.鞏姿希：A3（IG：its.krystl）

鞏姿希（Krystl）初戀是15歲發生，很早熟呢！但沒想到她接著說初戀對象是一個不認識的人，到底係咩意思？佢又講嗰個人其實係吳尊！啊！原來係咁！即係冇事發生過！

6號.杜愛恩：A0（IG：olivia.to.music_）

現時23歲的杜愛恩（Olivia）提到雖然身邊有不少追求者，但自己沒有多想戀愛的事，馮盈盈和麥明詩表示：肯定係「揀唔落」同「眼角高」，不過杜愛恩最後都有要求大家幫佢安排下對象，自問長相還過得去的兄弟就挑戰下啦！

7號.丁子田：A4BM（IG：stingalingg）

首先解釋下BM係指Busy With Mysekf，丁子田（Sara）第一次同男仔拖手仔係13歲時，而且係影貼紙相時男方突然拖手，很青春！

8號.陳靜堯：A2BWL（IG：claudiiiiac）

陳靜堯（Claudia）第一次分手是21歲，因為兩人的志向不一樣，而且大家身處唔同城市，所以就散咗！想知BWL指咩？之唔係Busy With Life囉！

9號.工藤佑采：A3（IG：yutorikudo）

中日混血兒的工藤佑采第一次失戀是20歲，仲要係男方畀「綠帽」佢，而且亦唔否認，真係想大嗌一聲「賤男」啊！

10號.李芷晴：O4（IG：step_bystep）

李芷晴（Stephanie）是在場戀愛次數最多，不過麥明詩表示芷晴份人可能比較認真，連「短拖」都計埋，亦指在場好多人可能「短拖」就唔會計！芷晴的男朋友都好支持佢參選，不怕當選後會即分手，馮盈盈更講自己就是成功例子，叫佢不用擔心！

11號.李明芙：A0（IG:s._.lizzzz6）

和6號候選佳麗杜愛恩同樣23歲的李明芙（Samantha），因為家教比較嚴，媽媽不批准佢18歲之前不能單獨出街，加上之前讀書時的男同學又看不上眼，最慘的是佢自稱屋企人唔心急催佢拍拖，因為預咗佢做「老姑婆」！李明芙樣子甜美又年輕，真係不用愁嫁唔出！

12號.童銘欣：O3（IG：christytungyan）

戀愛中的童銘欣（Christy）為了保護男朋友，將兩人的合照在IG上hidden了，既然兩人咁sweet，大家就唔好諗啦！

13號.黎智：O3（IG：linsylai）

黎智（Linsy）的初戀可謂全場最細，12歲時拍拖，更厲害的是她看上了男神，不時在對方的身邊出現，最後成功令男神對佢表白！

14號.何泳芍：TVB3（IG：honeyho_mermaid）

何泳芍（Honey）心在TVB，連拍拖都只係同TVB拍，真係識講嘢！

15號.陳苑澄：A3（IG：taniachanyc）

16號.黃子桐 ：A3（IG：rachelw603）

黃子桐第一次分手是17歲，理由很簡單，就是冇新鮮感，而且更畀14號佳麗何泳芍爆料，這是雙子座分手的典型藉口。

17號.陳曉華：A3（IG：herachann）

大熱門候選之一陳曉華（Hera），相信大家都好奇佢的情史，佢指初戀是16歲時愛上籃球場上的男神，再用欲拒還迎的方法將男神釣到手！前男友更是藝人狄易達，想追曉華的人可能要從兵團方面入手了！

18號.高育英：A1（IG：misskellyyk）

19號.楊帆：A1（IG：krystalll_yanggg）

20號.鄧卓殷：O1（IG：amber.tcy）

同初戀對象拍了6年的鄧卓殷（Amber），第一次拖手仔經歷同馮盈盈一樣，在戲院發生，當時還未開始拍拖，男方就大膽拖住卓殷的手，卓殷即時嚇到縮咗手，不過幸好冇阻礙呢段戀情的開始。