MIRROR演唱會｜193因mirror事件無辜被鬧與網民掀起一場激烈罵戰！

Mirror 舞台意外已過去兩個星期，至今ViuTV仍未正式交代各涉事公司的責任和處理方案。不少網民在各大討論區平台討論和持續關注事件。甚至有網民情緒激動，疑似於社交平台私訊大罵ViuTV旗下藝人郭嘉駿193，193面對突如其來的指罵，不禁忍不住直接開火。

郭嘉駿193 193生活照。 — 193生活照。（圖片來源：ig@deniskwok193）

網民罵193對Mirror舞台事件唔出聲暗指193縮頭烏龜

有網民於社交平台私訊193，並大罵「你唔係好敢言嘅咩，做咩唔出黎話下你公司啊」，其後更辱罵193不敢發表意見「唔敢啊，抵你咁乞人憎」。之後網民更指193唱歌很難聽，甚至同時罵Mirror成員「同12舊垃圾一樣咁x難聽都夠膽死出歌，同埋你個三個唐氏兄弟退出返番入垃圾桶。」。

郭嘉駿193 193與網民互罵。 — 193與網民互罵。（圖片來源：《九品芝麻官》截圖）

郭嘉駿193 193與網民的對話。 — 193與網民的對話。（圖片來源：我老細怕咗呢班煩膠導致精神分裂關注組）

掀起罵戰：「你覺得我係時事評論員？」

193面對網民的無理取鬧，也忍不住回應和反罵該網民，並連續回應「你係咪精神有問題」、「你覺得我係時事評論員？」、「我咩都要評論嘅咩？」、「我鐘意講乜就講乜㗎啦」、「使唔使你批准啊」。其後更指網民是「垃圾」，「如果冇咗鍵盤，我諗你連垃圾都不如」，以表達自己的不滿。

然而網民亦不甘示弱，表示自己「我冇用鍵盤，我用語音」，貌似以暗喻形式回應自己非鍵盤戰士。193亦表示「如果我block咗你」，「你連做狗嘅機會都冇」。其後，該網民表示「會post去俾其他傳媒」。193則回應「你咪post囉」，隨後便封鎖該網民，並挑釁網民「唔post正垃圾」、「post完記住send番條link俾我」。