《 諜血長天 》杏兒強姦戲足本睇 心姐獻出第一次
Source:東方新地 | 圖片來源︰《巾幗梟雄之諜血長天》截圖
劇情講到杏兒為救蕭正楠及家人，自願被日軍捉走，杏兒被帶到廢屋中，雙手吊高被綁，任人魚肉！原裝版本中見到該名日軍將手槍放入杏兒的心口，之後成個頭更在杏兒胸前上下走… 不過出街時呢幕就唔見咗。
之後杏兒爸爸及弟弟慘遭殺害，而佢就被黃子恆飾演的日軍捉入屋姦污。日前播出的版本就只見黃子恆將杏兒帶入屋，鏡頭一轉便完事落樓梯，屋內則留下赤膊的杏兒。但原來在「一刀不剪」版本中，呢幕強姦戲展長達逾20秒，期間黃子恆不斷撫摸杏兒玉背，繼而「從後推進」，真係超激……
在星期五(23日)一集中，講述杏兒為套取情報而出賣肉體，見到加咗鬍鬚扮日本軍官的林盛斌(Bob)赤裸着上身壓住杏兒，神情非常猥瑣，仲用手捉實杏兒塊面，逼對方望住自己個淫樣！其後從剪影中見到阿Bob龐大的身軀緩緩落下，個咀準備錫落杏兒度，認真可憐……
值得一提的是，後來劇情講述阿Bob得悉因一己私慾而洩漏了國家情報，內疚切腹自盡，獻出佢在螢幕上的處男一死！
杏兒之前都係被配角強姦，不過原來連蕭正楠都有份！劇中蕭正楠與杏兒本為青梅竹馬的戀人，但前者漸漸踏上歪路。其中一幕見到蕭正楠欲強吻杏兒，點知明副其實被對方「反咬一口」，咬至下唇鮮血狂流！
不單試圖強姦杏兒，蕭正楠在劇中與陳自瑤演一對夫婦，但兩人的BB死後令其失去常性，結果連太太都強姦！難怪蕭正楠受訪時話自己個角色充滿獸性，唔係食就係強姦！
祥仔在劇中一人分飾兩角，飾演一對孿生兄弟，分別係愛國游擊隊隊長江尚紅，以及化名「鈴木一雄」的日本商人江紅。其中日本人角色因為慘遭孌童養父毒手，童年陰影令他發展出扭曲人格和變態思想，所以心狠手辣，無惡不作！至於呢段惹人爭議的雞姦戲，祥仔就話係用意識、劇情同背景交代，唔會有出唔到街的畫面！
另一幕就見識到祥仔個日本商人角色有幾變態！畫面見到心姐唔知係瞓着咗還是被弄暈，然後祥仔笑得勁變態咁拎住剪刀，剪刀緩緩伸向心姐啲腳趾度… 大家都知佢想做咩啦！祥仔就勁陰森咁話︰「我要全世界嘅人都知道，咩叫做痛苦！」真係睇見都覺得痛！
劇中除了杏兒破禁演出，其實心姐都作出好大犧牲！從上文提及的戲份可見，心姐似乎會被祥仔剪斷腳趾，而呢次亦係心姐從影多年來第一次露出腳部，佢坦言拍攝時非常緊張！雖然佢都有要求導演唔露腳，不過因為劇情需要，最後都為大家獻出第一次！
