黃心穎即將解凍復出？！樂易玲：唔應該放棄佢，人人都做錯過嘢！｜頭號粉絲
黃心穎因「安心事件」形象插水
黃心穎自去年4月時，和許志安在車廂上演「安心偷食」後，旋即成為全城熱話，男事主於事件曝光當晚已招開記者會交待事情並道歉，而女事主不但遲遲未見影，亦未有回復，隨後更潛水到美國，網友責罵聲不斷，大鬧心穎做「姣Wing」、「賓穎」、「狐狸Wing」，形象直插谷底，無綫方面亦即時採取行動將其雪藏，就連當時黃心穎有份參演及主演的劇集《堅離地愛堅離地》、《法證先鋒IV》等均要延期推出，《法證先鋒IV》更要重拍，黃心穎的角色由湯洛雯代替。
其實「安心偷食」事件曝光後，心穎曾找無綫助理總經理兼邵氏電影執行董事及總經理樂易玲傾談，而樂小姐當時在回應記者們的提問時，也有提到表示：「心穎好後悔好後悔，知道自己犯咗好大嘅錯，佢好對唔住受牽連嘅人，呢一刻心穎嘅情緒仍然未平伏，公司覺得佢需要休息一段時間。」
相關文章：
黃心穎形象直插谷底遭雪藏 劇集節目全被抽起 連累其他藝員！｜新蚊娛樂
事件至今已有一年多，許志安在太太鄭秀文的鼓勵同支持下，早在兩個月前，已率先蒲頭，手戴結婚戒指並現身九龍灣E-Max，為ViuTV節目《寶麗金50周年Chill Club》進行錄影，為復出舖路試水溫；在錄影後，許志安還與媒體做了長達9分鐘的訪問，和大家講出過去十多個月來的心路歷程：「好耐無見！今日係寶麗金50周年special，所以就有邀請我嚟呢度，因為以前係正東，係同一個公司，但最主要係經過呢段時間沉澱、靜思、反省、自己學習，覺得自己真係成長好多。呢段時間係有hard time，但係當我每次面對返自己起點喺邊度，自己都好盡力向前望，今日呢個係一個好timing出嚟面對自己，面對群眾，面對自己，面對社會，我希望有呢件事發生，令自己未來日子行得更加好，希望可以重新出發，做好自己。」
相關文章：
許志安現身錄《Chill Club》為復出舖路 戴婚戒感謝太太鄭秀文支持給他信心｜頭號粉絲
樂易玲從未放棄心穎 「唔應該放棄佢，人人都做錯過嘢」
昨日（3/8），無綫助理總經理兼邵氏電影執行董事及總經理樂易玲，現身無綫電視城，出席Show8X網絡劇《一念》與微視頻《一刻》的演員面試記者會，是次是無綫首屆推出網上演技訓練班，主要是想收集新血，讓觀眾可以看到有更加多的新面孔，而不是現有常見的演員。
而當樂小姐接受眾記者的訪問時，有記者問到會否讓黃心穎參演網劇試水溫時，樂小姐坦言未有這個想法，雖然二人間中也有透過即時通訊軟件傾談，但仍是想相約心穎先見面，了解她現時的情況及狀態，但因受到疫情影響，唯留待至疫惰較為緩和後再約。
隨後又有記者問及樂小姐，無綫會何時將黃心穎解凍，抑或是會放棄她時，樂小姐則表示這個問題很深，稍後才回答，全因先要與心穎相見傾談清楚，同時亦要與公司商量，要她復出是幫她還是害了對方，另外就是每個人都會犯錯，要看她所犯的錯有多大，否則都不應該放棄她，但同時亦要看看有沒有機會可讓她重新來過，要配合天時地理人和等因素。
