黃子華袋錢落你袋！翻煲10大經典金句
廣告
黃子華於今晚就會開傳聞最後一次的棟篤笑「金盆𠺘口」，相信每個香港人都對他的金句印象深刻，甚至有人會將他的金句背得滾瓜爛熟！無論你有沒有份睇他的「金盆𠺘口」，都來一起重溫一下這10大經典金句吧！
撰文：Joel丨圖片來源：黃子華棟篤笑、黃子華Facebook丨編輯：白仔
翻煲10大黃子華經典金句
1.「婆媳」糾紛
「香港回歸中國，就好似阿媽標個仔參，邊個畀贖金？當時係個母子關係，當時大家以為係。但而家已經唔係，變咗奶奶同新抱嘅關係…而家香港嘅問題，係婆媳糾紛，所謂婆媳糾紛，係種必然瀨嘢嘅關係，除非你老婆第1日入門就全心全意同奶奶講：『奶奶，我愛你！』唉呀！我講錯，對唔住，講多次，『阿媽，我愛你！』當然我哋係講唔出啦！係咪？」
2.有得揸唔揸呀？
「有日，奶奶教訓新抱:『你第1日入門就藐嘴藐舌，而家你有咩就攤出嚟講！』於是新抱就問:『咁6月4日你去咗邊？』奶奶就話:『你講呢啲？』最搞笑係，新抱問奶奶，話之前明明講好過幾年畀佢揸fit，點知奶奶話佢聽錯，係揸lift唔係揸fit，其後奶奶繼續補充：「揸fit又係揸，揸lift又係揸，你唔係有得揸唔揸呀？」
3.愛情如股票
「愛情同股票一樣，未入之前係不停咁升。但當一擁有，你就問：『點解會咁㗎？』世上有100分男孩、100分女孩，但就冇100分伴侶。如果仲有人唔肯承認，相處就代表開始扣分，我有個例子：2人相愛，當然唔想有第三者，但點解你想生仔？『仔點會係第三者呀？』仔唔係人呀！喂，呢個第三者佔你哋好多時間㗎喎！呢個第三者，1日食6餐，隨時食埋你嗰份，『咁1男1女就梗係要生仔㗎啦！』係囉！點解呢？因為當世界只剩下1男1女，得番你同我，你就feel到，呢個遊戲係唔玩得耐。」
