黃子華孖女團VIVA合照超紳士 周國賢「抽水」Lolly Talk相又出土：有比較
廣告
黃子華主演的電影《破·地獄》自上映以來好評如潮，吸引不少藝人紛紛在社交平台曬出與劇中演員的合照，為電影熱情打Call。早前，女團VIVA成員Carina就分享了成員們與黃子華的合照，而子華的一個紳士舉動更獲得網民一致稱讚，大家紛紛留言大讚他「好有風度」！
黃子華紳士合照獲網民大讚
VIVA成員之一嘅Carina（李晞彤）日前（12日）在社交平台曬出與黃子華嘅合照，相中黃子華以雙手交疊放在身前嘅姿勢出鏡，避免掂到企喺自己旁邊嘅2位成員，禮貌小手嘅舉動獲唔少網民大讚好紳士：「雖然好少事，但係避免掂到啲女仔都幾有禮貌」、「一睇就覺得係正人君子feel」、「男藝人禮貌手都好正常」、「子華神就係喺啲細節睇到佢有禮貌！」
網民重提周國賢攬Lolly Talk事件
網民除咗大讚黃子華合照時嘅舉動十分禮貌外，仲重提去年周國賢攬女團Lolly Talk合照被指係「抽水」一事：「個個都周爸爸咁咩」、「一個就禮貌合照，一個就攬到實一實」、「紳士呢啲嘢都係冇對比冇傷害」、「唔好拎子華神同佢比啦，差天共地囉」、「真係見到就嬲」等。
